Saturday, May 15, 2010

لا تيأس ... فضفضة مع النفس





ايمان الواحد بينقص ويزيد 
بيطلع وينزل 
شوية يفضل طالع طالع طالع 
ومره واحده ينزل 
وساعات يفضل ثابت 
لا طالع ولا نازل 
وساعات الواحد مره واحده هوب 
ومن غير مقدمات ينزل تحت خااااااالص 
وتبدأ اعراض الاكتئاب تظهر 
ويبدأ الواحد يتضايق 
طيب هو احنا بننزل ليه ؟؟
ليه بنبعد عن ربنا ؟؟
بالرغم من اننا عرفنا يعني ايه تكون قريبين منه 
واستشعرنا حلاوة الانس به
بالرغم من كده 
بيجي علينا وقت وبنبعد 
ساعات 
نفضل اوقات طويله بعاد عنه 
ناسيينه وناسيين نفسنا 
نبدأ نحس بضيق 
نحس بإكتئاب
ومش عارفين سببه 
كان زمان مدرس اللغة العربيه في اولى ثانوي 
قالنا مره .. لما بنت عماله تعيط كتير 
ونقولها مالك تقول مش عارفه 
وقتها قالنا 
ده بيبئى بسبب البعد عن الله 
واحنا بعاد عنه بنحس بضيق 
وخنقه 
قربوا منه ... كل الاعراض دي هتزول 
كان عنده فعلا 
مصدقة مقولته دي جدا جدا جدا 

المهم ان احنا نفوق 
نفوق قبل فوات الاوان 
ويبئى بعدنا عنه ده شئ عادي 
مش مأثر فينا 
والعياذ بالله 

ونعاقب نفسنا 
ونحاسبها 
ونسألها انتي بعدتي ليه ؟؟
مش هنلاقي اجابه اكيد .. 
الشيطان هيعمينا عن الاجابة 
اللى احنا اكيد عارفينها كويس 

المهم كمان 
مش نقنط من رحمة ربنا 
وقعنا 
نقوم تاني 
ونقرب منه تاني 
فرق كبيييييييييير اوي 
بين انك تكون قريب وبعيد 
فرق كبير بجد 
وبيتحس اوي 
اوي
مش مهم وقعنا مره 
بس نقوم 
ونقول ربنا غفور رحيم 
بس نخلص نيتنا لله 
وننوي بجد اننا مش نبعد عنه تاني

نقارن بين نفسنا واحنا بعيد 
ونفسنا واحنا قريبين 
ونشوف حالنا في الحالتين
شتـــــــــــــــان مابينهما والله 

وقعنا تاني 
وماله 
نقوم تاني 
المهم اننا نقوم 
بس نقوم بصدق نيه 
واخلاص 
مانقولش ماخلاص بئى 
انا بئيت وحش وخلاص
مانفكرش ربنا هيغفرلنا ولا لا 
احنا ندعي ربنا 
ونقوله يارب ثبتنا 
ونقوله يارب احنا بنحبك 
اهدينا 
احمينا من نفسنا
مش تخلينا نبعد عنك 
اقبلنا في عبادك الصالحين يارب 
ونفتكر دايما ان ربنا قال

بسم الله الرحمن الرحيم

(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ

إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

صدق الله العظيم
 
مش المفروض نيأس من رحمة ربنا 
مش المفروض نيأس من نفسنا 
لازم نقومها ونصلحها 
وندعي ربنا يارب اصلح احوالنا 
يارب اهدينا وعافينا 
يارب ارزقنا الهدى والتقى والثبــــــــات 
اللهم إنا نسألك الثبات على دينك 
نسألك الثبات على الحق 
نسألك القرب منك 
ونعوذ بك من البعد عنك
اللهم تقبلنا في عبادك الصالحين 
اللهم اغفر لنا تقصيرنا و اسرافنا في امرنا
اللهم ارزقنا لذة النظر الى وجهك الكريم 
الله اغفر لنا واعفو عنا وارزقنا الهدى
اللهم اجعلنا كما تحب
اللهم امين
.
.
.
 

5 comments:

حبارير said...

جميلة

radwa said...

مرور حضرتك استاذ حبارير اجمل
نورتم المدونة والله

Unknown said...

تمام تمام يا رضوى
المشكلة دايما فينا
احنا اللى بنبعد عن ربنا بأيدينا مع انه رحيم وكريم أوى وفاتح بابه
ربنا يهدينا
ربنا يجزيكى خير
:::::::::::::::::::::::::::::::::::::
على فكرة انا أمل مشرق

أخـت فـى الله said...

ايه دة انتى بداتى تكتبى تانى
طب تبقى شيريها على الفيس على طول عشان مش باخد بالى انا O o
...
ثانيا بجد كل كلمة قلتيها
ساعات برضة مش بنبقى بعاد عن ربنا لكن بيحصلنا فتور فى علاقتنا بيه سبحانه
هنا بقى نعمل ايه؟
التجديد
ماهو اكيد احنا مش بنعمل كلللل حاجة ربنا بيقولها فى يومنا
ممكن مثلا مش متعودينندعى..نبدا فى حملة مع نفسنا كدة بالدعاء
ممكن مثلا مش بنصلى نوافل
ممكن مثلا مالناش ورد قران
ممكن مثلا نصلى فى يوم الضحى مرة منصليش
ساعات مش بتبقى علاقتنا مع ربنا كمان بالعبادات بس
ممكن ايماننا ينزل لو غلطنا فى حق حد واحنا مش واخدين بالنا
او زعلنا اهلنا..او شتيمة مثلا بدون قصد..ممكن الحاجات دى تكون صغيرة فى نظر ناس كتير...لكن مع اللى دايما مع ربنا..اصغر حاجة ممكن تضايقه
وانتى ازيك يا رودى بقى؟
ماجيك

radwa said...

استاذ امل مشرق
واياكم يارب اللهم امين
فعلا المشكله بتكون فينا احنا
والعيب فينا احنا
وليتنا ندرك



ماجي
انتي كنتي تعرفي المدونة ؟
اه يا بنتي رجعت اكتب تاني
الله المستعان

جديده فكرة التجديد دي يا شيمو
ماتنزليها نوت ع الفيس بووك
عشان كلنا نستفيد
ونعملها
افكار حلوة اخر حاجه يا ماجي
ربنا يثبتا يارب
ويهدينا
ويحببنا في كل عمل يقربنا منه
اللهم امين