Thursday, May 27, 2010

العاقلين مش بيشجعوا الكورة ... واحنا معاهم




سلام عليكم ورحمة الله وبركاته 

ماتش امبارح بتاع الاهلي والزمالك 

بغض النظر بئى عن الكورة 

وعن الرياضه 

والروح الرياضية 

والكلام اللى بنسمعه ده بس 

لكن مش بنشوفه بيطبق 

اكتر حاجة بتزعلني فعلا 

جمهور الفريقين 

وتعصبهم الشديد كل لفرقته 

وزعيئ 
وتهليل
وصويت 
والفاظ 
وشتايم 
كل ده عشان ايه ؟؟

هياخدوا ايه هما من تعصبهم ده؟؟

الاهلي كسب 

او الزمالك كسب 

الجمهور اخد ايه ؟؟

اخد بس ان صوته راح 

اخد انه وجع قلبه

استفادوا يه ؟؟

اللي زعلني اكتر 

ان صلاة العشاء اذنت 

والماتش شغال 

ماحدش اتحرك من مكانة 

وراح يصلي 

والمسجد بينه وبينهم خطوتين 

والصلاة مش هتاخد منهم ربع ساعة 

هو ايه الاهم ؟؟

الماتش ولا الصلاة ؟!!!!!!!!

زعلت جدا جدا والله 

ربنا بينادي عليكم 

وانتوا ولا انتوا هنا 

ومش بعيد من قبل ما الماتش مايبتدي 

كان كله قاعد منتظر 

وقاعد مستني الماتش بفارغ الصبر 

يعني اديت للماتش من وقتك الثمين الغالي 

ساعتين 

ومن قبلهم كمان 

مش قادر تدي للصلاة ربع ساعة ؟؟

مش قادر تضيع من الماتش ربع ساعة 

عشان تروح تقابل ربنا ؟؟

الواحد لما بتضيع من الصلاة 

بيأنب نفسه جدا 

وبيزعل منها جدا جدا 

ويقعد يقول لنفسه 

حرام عليكي 

ضيعتي الصلاة 

ضيعتي لقاءك مع ربنا 

وبيبئى زعلان جدا جدا والله 

سبحان الله بجد 

ساعات كتير بيبئى نفسي اصلي في المسجد 

بيبئى نفسي اقول لبابا خدني معاك وانت نازل تصلي 

الصلاة في المسجد غير خالص 

احساس مختلف عن الصلاة في البيت تماما 

ودول سبحان الله 

متاحه ليهم ينزلوا يصلوا في المسجد 

ويلحقوا الجماعة 

ومع ذلك بيضيعوها 

عجبا لهم بجد .. 

ربنا الهادي 

نرجع تاني للكورة 

انا مش بقول مايشجعوش 

او مايتفرجوش 

بس التشجيع عمره مايكون كده 

اتفرج وشجع وافرح لفريقك 

بس مش للدرجه دي 

المصيبة انهم عارفين 

لو فريقهم كسب او خسر 

هما مش كسبانين حاجه 

بالعكس هما خسرانين 

ولما تسمع الاذان 

روح صلي وتعالى كمل الماتش 

مش هيجرالك حاجه يعني 

ولا فريقك هيخسر 

لو سبت الماتش ربع ساعة؟؟

فعلا فعلا 

بكره الكورة 

بكرهها جدا جدا 

بسبب جمهورها 

وتعصبهم 

ربنا الهادي 

ربنا الهادي 
.
.

5 comments:

محمد صبيح said...

d:

radwa said...

صمت افندي
زميل الكفاح والنضال
منور المدونة اخر حاجه
:D :D :D

جمعاوى said...

قبحها الله

الكورة اقصد


أخوكممن بيت متعصب كرويا

ما بين الاهلى و الزمالك


كانت مجزرة فى البيت يوم الماتش



و لله الحمد أنا لم أشترك فيها ن كنت قاعد قدام الجهاز و الدنيا بتضرب تقلب

(:

أخـت فـى الله said...

صح لسانك واللهِ يا رضوى
دة ابسط دليل اننا لسه قدمنا كتيـــــــــــــر عبال ما نوصل :(

radwa said...

اخ جمعاوي
كان الله في العون

بس على ايه التعصب
على 22 لاعب
بيجروا ورا بتاعة مطاطية مكورة
لا تعصبهم هيفيد
ولا هيدخل الكورة في الجون




ماجي
ربنا يصبرنا
ويعوض علينا
ويهونها