Wednesday, August 29, 2012

تغيرنا

لا اعلم ,,, هل تغيرنا فعلا 
ام ان الحياة جعلت منا اشخاص اخرين 
غيرت في شخصياتنا وملامحنا وطريقة تفكيرنا
لا ادري ,,, 
ما اعرفه ان الضغوط تجعلنا اكثر قوة 
لا اكثر حساسية وتقلبا 
اصبحنا اكثر صمتا 
واكثر تألما 
تعلو وجوهنا الابتاسمة 
فقط كي لا يحزن من حولنا 
ومن يهمهم امرنا
اصبحنا اكثر ضعفا ووهنا
اكثر حساسية للمواقف
اصبح الصمت يتملكنا كثيرا 
حتى مع اقرب الاقربين 
يأبى القلب البوح 
وتأبى العين الدمع
نرفض الحديث عما يؤلمنا 
وعما يسعدنا ايضا 
حقا تغيرنا ,,, 
ولم نجد من يقبل تغيرنا هذا
وان لم يكن بإرادتنا
  فلنكن كيفما نكون 
.............

Tuesday, August 7, 2012

من مذكرات فتاة في سن العشرين 3



تحسست رأسي
فلم اشعر بلمسات اصابعي
فقط ,,, ذاك الصداع المؤلم 
الذي يصيبني حين اكتم حزني
..................

كم تمنيت ان يكون لي ذاك الاخ
الذي يكون بالنسبة لي اخ وصديق 
وايضا طبيب
حالمة انا ,, اعرف ذلك 
.........................

لازلت اكتم دمعاتي 
امنعها من السقوط 
فبسقوطها اسقط انا ايضا
...................

كم من فرحة فرحتها 
لكنها كانت منقوصة 
ينقصها شيئ كبير 
فرحة ينقصها الفرحة ذاتها
...........................

احب ذاك الشعور جدا 
اعشقه 
اعشق السقوط من الاعلى 
فبه تعلو الروح 
حتما ستعلو الى السماء
.....................

لا اميل الى الحزن ابدا
لكنه اصبح رفيقي 
يلازمني اينما اكون 
فالحزن هو الخل الوفي
........................

كيف للانسان ان يشعر بالوحدة 
في حين تواجد العشرات من المقربين بقربه؟
...........................

المرح والسعادة 
حالتان كانا يميزاني 
لم اكن اتواجد في مكان الا وانثر فيه عبيرا منهما
اما الان فالجميع يحاولون بشتى الطرق
ان يمنحوني جزءا بسيطا منهما
لكنهم لم يستطيعوا
فلن يتحملهم قلبي 
فلا مكان لهم فيه 
.....................

حالة من الحزن والوحدة تعتريني
اتملص منها واحاول الانفلات
لكني لم استطيع
فهنيئا لهم بإحتلالي
...................

لكل من حول 
رفقا بي 
فلا يعرف احدا منكم ما يعتريني 
رجاءا ,,, رفقا بي وبقلبي
فلم يعد يحتمل المزيد 
 ....................

فلتتلون كلماتي بالسواد
فالسواد لونا احتل مكانة كبيرة 
في حياتنا بأكملها
ليس تشاؤما 
لكن ربما يكون حالة عابرة
اتمنى ان يكون كذلك 
..................
7-12-2012

Friday, June 3, 2011



متغيره !!!!
وعنيكي ليه متحيره ؟؟
حب جديد ؟؟
ولا البكا ولا الالم
زادوا وكانت مشكله ؟؟
اشواق عنيكي مخضره
طارحه جناين مزهره
داا مش الم
دا مش بكا
ده شوق لروح ومأثره
فيكي يا حتة سكره

ايوا انا
اصلي انا
في حالة مش متكرره
احساس غريب
احساس جديد
وفي قلبي حاسه
بزلزله
بشتاق اليه
وروحي فيه
ومعاه بطير انا في السما
واما بكون قدام عنيه
معرفش فين بكون انا ؟
بكون معاه؟؟
دايبه فـ هواه؟؟
وهو ليا كل المنا؟؟
مستنياه
يبدأ غناه
بكلمه حلوة حنينه؟؟
واما يغيب
روحي تغيب
وتردهالي
لحظه لقا؟؟

ايوة تمام
مظبوط كمان
دي حالة تانيه
مُحيره
وصفتيهالي
ورسمتيهالي
يا اغلى ما املك انا
انتي انا
روحك انا
وروحي ليكي يا سكره
اه بعترف
حبك ده دنيا
واحلى حاجه يا انا

Radwa Nour El-Deen
13.5.2011

Sunday, October 3, 2010

يوم من عمري ... اجمل يوم في حياتي




الاحد 3/10/2010
انهارده الحمدلله 
كان اجمل يوم في عمري بجد 
واصعب يوم بردو 
نبدأ من اول اليوم 
يومي انهارده بدأ من الساعه 3 الفجر 
قلقانة ومش عارفة انام 
والصبح عندي فاينال بريزنتيشن ولازم اروح فايقة 
كملت نوم 
بئيت كل ربع ساعه او نص ساعة بالكتير
اقوم ابص في الساعه وانام تاني
لحد الساعة 5 ونص الفجر
صحيت كويت وفطرت وجهزت حاجتي 
واعدت ع النت :D :D 
لحد اما جه معاد نزولي الساعه 7 ونص 
وصلت الجامعة 8 وربع 
المواصلات كانت زحمة مووووووت
المهم وصلت بالسلامه وصوتي بايظ نوعا
اعدت استنيت باقي التيم بتاعي
واتجمعنا كلنا
قولت عشان اظبط الصوت
اشرب نيسكافيه
واتدلق عليا والحمدلله... ربنا يسامحه اللى كان السبب
معانا البروشورز
والمجلة بتاعتنا 
وكلنا لابسين اسود في احمر
معاد البرزنتيشن بتاعنا كان 10 ونص
مستر احمد دخلنا التيتشرز رووم عشان ناخد عليها
لانه دي كانت تالت مره ندخلها
والمرتين اللى دخلناهم فيها 
كنا احنا المستمعين 
المره دي احنا اللى هنتكلم
الساعه 9 ونص لاقينا مستر احمد بيقولنا 
جهزوا نفسكم ارامكس جايين وممكن تبدأوا 10
مش حسينا بتوتر ولا قلق 
وطول الوقت بقول لنفسي جملة مستر احمد دايما يقولهالنا
"ده بيتكم ماتخافوش وماتقلقوش الضيوف الجايين هما اللى المفروض يخافوا "
وعماله بردو اقول
احنا تعبنا اوي وربنا مش هيضيع تعبنا
لحد اما دخلنا التيتشرز رووم
ووقفنا حسينا بألفة :D :D 
ظبطنا حاجتنا ومستنيين نبدأ
جه جزء من الضيوف اللي جايين من ارامكس
بس فضلنا قاعدين مستنيين الـ COA 
بتاع ارامكس  عشان مش كان جه لسه
ووزعنا البروشورز بتاعتنا
وطول ماحنا واقفين عمالين يسألونا
مستر احمد عدى علينا واحد واحد ولاقيناه بيقولنا
انهارده احسن يوم في حياتكم افتكروه كويس
لحد اما جه اخييييييييييرا الكبير بتاع ارامكس
وبدأنا البرزنتيشن
خلصنا وخلصوا علينا
وهرونا اسئلة 
بس الحمدلله 
ربنا كرمنا وقدرنا نرد على كل اسئلتهم واستفساراتهم
ووزعنا عليهم المجلة بتاعتنا
وزعنا عليهم حلم ومجهود 7 افراد لا 8
وزعنا عليهم ورق مرسوم بالرصاص وبئى حقيقة في ايدينا 
على شكل مجلة اطفال
مالاقيناش منهم رد فعل  خالص 
حسينا ان مستر احمد ومس هند مبسوطين 
بس احنا كنا متضايقين جدا
حسينا اننا مش ادينا كويس
تعبنا راح
كنا واثقين ان ربنا مش هيضيع مجهود حد
بس كنا قلقانين
وكان عندنا اداء احسن من كده 
او يمكن احنا مش حسينا اننا ادينا كويس
مش عارفه 
بس خرجنا مكتئبين جدا جدا
قولت في نفسي
مستر احمد بيقولنا انهارده احسن يوم في حياتكم
فين الاحسن ده بئى ... احنا كنا وحشين واكتئبت جدا
كان فاضل بيني وبين الدمعه زقة 
لو حد كان جه جنبي كنت هعيط بجد
اللي يضحك بجد مستر احمد كان كل شوية يعملنا علامة الاسمايل
عشان نبتسم ونبئى منشكحين
:D :D :D
في نص اليوم مستر احمد شافنا وسأل علا
مالهم مكتئبين ليه؟
قالتله مش مبسوطين عشان مش ادينا كويس
قالها طيب اما اطلعلهم فوق
المهم بعد ماخلصنا
مشينا عشان الجروب اللى بعدينا
وفضلنا مستيين الجروبس كلها تخلص
عشان نعرف مين افضل جروب وافضل مشروع
عشنا حياتنا في الكلاس بتاعنا فوق
اخر مره نشوف فيها الكلاس رقم 29 
اللى قضيناه فيه اجمل واصعب ايام في حياتنا
اتصورنا كتير اوي صور لأرامكس وللـ FGF 
وبعدها طلبوا من الجروبس كلها انها تتجمع
عشان يصورونا صورة جماعية
كنا 4 جروبس بس
Arakids
Globemex
Araspor
face to face
بعد ما اتصورنا لا قينا الـ COA 
بيقول
هنقول مين افضل تيم دلوقت 
سكت شوية
قلبنا دبدب جامد جوانا
وبصلنا
وابتسم
فضلنا مترقبين ومستنيين نسمع هيقول ايه 
مستر احمد عينه لمعت كده 
واحنا كنا خلاص على اخرنا
لحد اما نطق اسمع المشروع بتاعنا
Arakids
ماكناش مصدقين
ايه ده بجد ؟؟؟ احنا ؟؟
معقول
الفرحه ماكانتش سيعانا
ومش مصدقين بجد ان مشروعنا نجح 
واننا افضل تيم
كان التيم التاني المميز 
Arasport
بجد بجد ماكناش مصدقين اللى بنسمعه
الفرحه اخدتنا اوي
مستر احمد عينه لمعت اوي
وفرح اوي اوي اوي
وفرحنا من قلبنا كلنا اوي اوي
بجد بجد فرحتي انهارده ماتتوصفش
فرحت من قلبي فرحة نسيتها من زمان
فرحة انهارده نسيتني حاجات كتييييييييييييييييير كنت شايلة ليها هم كبير
الحمدلله 
تعبنا 3 شهور ونص ماراحش هدر
حلمنا اللى حلمناه 3 شهور حققناه
ولمسناه بإدينا 
فرحنا بجد فرحة عمرنا
قولنا لمستر احمد شكرا يامستر
وقولنا لمس هند شكرا يا مس هند
بجد بجد ليهم فضل علينا كبير
نزلنا بعد كده كلنا واتغدينا سوا 
ومستر احمد جه اتغدى معانا
كان فرحاااااااااااان
واللى كمل فرحتنا بجد لما شوفنا قد ايه مستر احمد ومس هند فرحانين
مس هند خدتنا في حضنها ومش مصدقين بجد
اللي فرحني اكتر لما مستر احمد قالنا 
شرفتوني 
بجد بجد هو ماكانش يستاهل مننا اقل من كده 
بالعكس 
ده يستاهل ده وزيادة كمان اضعاف مضاعفة
مجهودنا بالنسبه لمجهوده ولا حاجه
لولا توجيهاته ونصايحه 
وبصراحه كمان تكشيرة وشه بعد كل فورمال
هي اللى دفعتنا واللى خلتنا نبئ افضل تيم 

حبيت اكتب الكلام ده كله 
عشان مش عايزة انسى تفاصيل اليوم ده خالص
بجد بجد 
احلى يوم في عمري 
زي ماقال مستر احمد
شكرا جدا يا مستر 
شكرا بجد 

اكمل بئى شوية ذكريات من اليومين اللى قبل اليوم ده
يوم الاربع الاول 
يوم السيمي فاينال 
يوم اما عملنا بريزنتيشن حلو وكنا حاسين قد ايه احنا كنا كويسين
غير كده شهادة الجروبس التانيه اللى معانا
وشهادة الناس اللى جاية من الاداره على اسم اراكيدز
وكم كلام المدح اللى سمعناه من اصحابنا
لدرجة اننا خوفنا الصراحه :D :D
ونلاقي مستر احمد مكشر في وشنا طول اليوم
ومش راضي يقول ماله
وال ايه 
تاني يوم يقولنا 
كنت بمثل عليكم 
طيب يامستر قولنا كلمه حلوة
قالنا الكلمة الحلوة هتسمعوها يوم الفاينال 
واما سألناه يوم الفاينال 
قالنا 
بجد شرفتوني 
بجد دي كلمه احسن كتير 
من اللى كان نفسنا نسمعه منه

يوم السبت
اللى قبل اليوم ده على طول
كنا بنطبع المجله بتاعتنا 
عشان نحطها في البرزنتيشن تاني يوم
الطباع تعطل كذا مره
في ايه يا مستر
مش عارف
طيب المشكله فين
في الطباعة
طيب وبعدين 
ادينا بنحاول
مستر احمد قالنا
لموا نفسكوا وروحوا الجامعه استنوني بئى
قولتله شكلها عين يامستر
قاللي شكلها كده
=))
مانساش ابدا واحنا عاملين برزنتيشن في الجنينه
والتيم بتاعي كله اما طلع في صوت واحد وقال
of course radwa
دي بئى حكايتها حكاية 
ابئى انزلها في يوميات اف جي اف بئى
مانساش يوم الديش بارتي
ويوم الفطير والعسل
وكل ايام الاف جي اف
الصعبة منها والحلوة 
اللي زعلنا فيها واللى فرحنا فيها اوي
مانساش بردو فرحتنا بالكتاب بتاعنا
بجد بجد ايام مش هتتعوض
مع صحبة جميلة
علا وهبة وهبة وهناء وعصام ومنير
وانستراكتورز كانوا اكتر من اخواتنا بجد 
بذلوا معانا مجهود كبير
مهما شكرناهم مش هنوفيهم حقهم

ربنا ولك الحمد
:)

Monday, September 13, 2010

غموض



كل شخص منا له مفتاح 
نستطيع الدخول له به وفهمه فهما جيدا
ولكن ماذا عن شخصية غامضة جدا جدا
حتى لأقرب الاقربين لها
لا تفهم من كلماتها وحديثها
من نظرات عيناها
من نبرة صوتها
من هدؤها وعصبيتها
من كلماتها وسكوتها
لا تفهم حتى من دموعها
فتلك الشخصيات الغامضة
تحتاج الى معاملة خاصة جدا 
لا ادري اي نوع من المعاملات
ولكنها لا تعامل كباقي البشر
مفتاح فهمها مختبئ خلف سرها
ولكن ما الفائدة اذا كان السر واضح امامنا
فبالطبع سوف نفهم مابها
لكن حتما ولا بد هناك مفتاح اخر
مختبئ لا نعرف مكانه
فظني بها انها تتعمد اخفاء مفتاحها
نتيجة لانها اظهرته ذات مره
ولكن لم يره احد
...