Tuesday, January 8, 2008

تاج ..اتنين ..مين يزود؟؟




سلام عليكم

اقول ايه بس ياربي ؟؟
بكره التيجان ...ومع ذلك بتجيلي من حيث لا ادري ..
تاج من الحجه طعمه ..قصدي اتنين ..وحسبنا الله ونعم الوكيل
..شكلى هتاجر فى التيجان اللى عندي بعد كده
او افتح بيهم محل :D
ليكِ يوم يا طعمه ....:D


الاول ...
...............


ما هي سورتك فى القرآن (أى أحب سورة إليك تقرأها في فرحك وفي حزنك) ؟
سورة يس وسورة يوسف ..


ما هي أحب آيه إليك ؟ الآيه التى دائما تتمناها ؟
وبشر الصابرين

ما هي أكثر آيه تخاف منها وتدعو الله ألا تكون من أصحابها ؟
3 ايات من سورة الكهف

قُلْ هَلْ نُنَبِّئُكُمْ بِالْأَخْسَرِينَ أَعْمَالًا

الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا

أُولَئِكَ الَّذِينَ كَفَرُوا بِآيَاتِ رَبِّهِمْ وَلِقَائِهِ فَحَبِطَتْ أَعْمَالُهُمْ فَلَا نُقِيمُ لَهُمْ يَوْمَ الْقِيَامَةِ وَزْنًا




ماهي الآيه التي تشعر أنها تتكلم عنك ؟
ايه فى سورة البقره
"ولنبلونكم بشيء من الخوف والجوع ونقص من الاموال والانفس والثمرات وبشر الصابرين"


من أحب صحابي وأحب صحابية ؟
عمر ابن الخطاب رضي الله عنه ..


من أحب نبي إليك بعد الحبيب (صلى الله عليه وسلم) ؟
يوسف عليه السلام


ما هو منتداك وموقعك المفضل ؟
حارة زعتر ..:D


ماهى أحب الأسماء التي تحب أن تُنادى بها ؟
نطفه :D
واسم تانى كده (من مشتقات اسمي (: )


من هو كاتبك المفضل ؟
مش حد معين
لكن فى الشعر فاروق جويده


مدون له فضل عليك واستفدت منه ؟
قلة من المدونين ..موش كتير
هو لازم اقول اسماء؟؟
موش لازم ..كده افضل :D


من هو قارئ القرآن المفضل لك ؟
الشيخ علي عبد الرحمن الحذيفي
صوته رائع جدا ماشاء الله


من هو منشدك المفضل ؟
هما تلاته ..بوخاطر ومشاري وفريق الوعد


ما هو نشيدك المفضل ؟
اليك اله الخلق ..كلمات الشافعى رحمة الله عليه


إذا كان لك دعوة تدعوها وستتحقق باذن الله فبماذا تدعو ؟
الدعوه هى ان يعفو الله عنى ويرضى ويغفر لى خطايايا


ما هو الداعية المفضل لديك أو شيخك المفضل ؟
الشيخ محمود المصري


ما هي أكثر عبادة تشعرك أنك قريب جدا من الله ؟
قرأة القرأن الكريم وحفظه


من أحب أفراد عائلتك إليك ؟
اخويه اللى قبل مني على طول (:


ماهو أملك فى الحياة ؟
كتير بصراحه
اولها ان تقف الروان على قدميها وان تفي الغرض التى انشئت من اجله


التانى ..
....................
لماذا اخترت اسم مدونتك؟
غلاسه ..او جر شكل (:


اعربها

لما تيجى حصة العربي هعربها
وش بيشد فى شعره
خليك فعل امر
فى حالك جار ومجرور


لماذا تدون؟
ممكن تشوفي الاجابه فى التدوينه دي


لومكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟ أو لوكنت أوروبي أو غير مسلم بردو إيه نظرتك للعرب والمسلمين
ممممممممممممممم
هشفق عليهم مما هم فيه ..


لو قالولك إنت بقيت رئيس جمهورية هتعمل إيه؟
هغير كل الوزارات ..وهرجع السلع لأسعارها الطبيعه
وهغير كل حاجه مش عاجبة الشعب
بس طبعا هيكون فى حدود فى ده ..موش اى حاجه مش عاجباهم هغيرها
اللي فيه الصالح لهم فقط ..


لو كان ينفع ترجع طفل تاني وتخليك طفل علطول هترجع؟ وليه؟
كل مرحله عمريه لها متعتها الخاصه
الطفوله عشان اللعب والجري والدماغ الفاضيه اللى مش شايله هم
ومرحلة الشباب او مرحلة الزهو ..بردو ليها حاجات حلوة زى الشقاوة والتنطيط
والاحلام والاهداف والطموحات
مرحلة مابعد الشباب دي بقى (ممكن نقول من سن مثلا 25 ) يمكن عيوبها اكتر شويه
بس احلى مافيها انه يكون عندك بيت صغير وطفل بيجري ويتنطط حواليك (:
لما نكبر شويه نقول ياريت نرجع اطفال
ولما نكبر اكتر شويه نقول ليت الشباب يعود يوما :D
ولما نكبر اكتر واكتر نقول هييييييييه دنيا فانيه :D


لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الآخر ولا تغرس فيه الأمل لغاية لما يموت؟
هغرس فيه الامل طبعا ..الحاله النفسيه المريض بتأثر على شفائه
فلما اقوله انت هتموت هيستسلم ..اما لما اقوله خلي عندك امل فى ربنا
وان شاء الله تبقى كويس بس شد حيلك ..كلام من ده يعنى
هيرفع من روحه المعنويه ..وحالته النفسيه هتتحسن اكيد ..
وفى الاخر ..كله بأمر الله طبعا ..


لو سمح لك برؤية الرسول (عليه الصلاة والسلام) وإنك تقوله كلمة واحدة بس أو جملة واحدة بس هتكون إيه؟
ممممممممممممممممم
موش عارفه بصراحه ..اعتقد عجز عن الكلام ..


لو خطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخرغير قادر على الإنجاب هيكون تصرفك إيه؟
موقف صعب جدا .. مش متخيله بصراحه ..


لو طلعت القمر هتكتب إيه عليه؟
سبحان الله وبحمده ..سبحان الله العظيم


لوكنا في عصر إزدهار الأندلس كنت تتخيل نفسك إزاي؟
يمكن اكون افضل مما انا فيه الان ..


لو مررت التاج ده لحد وما جاوبش عليه أعمل فيه إيه؟
بصراحه موش هلومه ولا هاعتبه
حكاية التيجان دي بتخنق شويه ..
بحس انى فى استجواب ..)):


لو هتسافر في أي مكان في الدنيا تعيش فيه هتروح فين ؟
دبي ....
او حبيبتى الاسكندريه .. لو جوه مصر


لو مررت التاج تمرره لمين ؟؟
انا مدونه ديموقراطيه
اللى عاوزه ياخده واللى موش عاوزه يسيبه فى حاله (:


اشهد ان لا اله الا الله
لك يوم يا ظالم ..:P

8 comments:

عصفور المدينة said...

بففففففففف

ماشاء الله كل ده ربنا يحفظك بس لما بيتجمعوا على بعض بتكون الإجابة سريعة

radwa said...

ماهو هو كده
الاسئله لما بتكتر الواحد بيزهق ويمل
ويبقى عاوز يخلص الاجابه على الاسئله بسرعه

التاج ده انا قعدت يومين اجاوب فيه
جاوبت نصه فى يوم
والنص التانى في يوم تانى
)):

Anonymous said...

ماشاء الله

إجابات فيها إحساس بالمصداقية وطيبة القلب

تحياتى يا أخت رضوى

DR.HAMAS said...

أختنا الكريمة

أكرمك الله

إجاباتك حقيقى جميلة

جزاكم الله خيرا


د.حمــــاس

radwa said...

اخ وليد
جزاك الله خيرا

دمت بود (:

radwa said...

دكتور حماس

وخيرا جزاك الله

(:

إيمان الحسيني said...

نطفة
خخخخخخخخخخخخخخخخخ
كان نفسي أكون محتفظة بالصورة
ماكونتش هاتردد في نشرها أبدا
:P

radwa said...

طعمه
اى صورة بالظبط؟؟
صورة النطفه ؟؟
لو عاوزاها عندي
ابعتهالك ؟؟
ماخلاص اتفضحناعلى الفيس بووك واللى كان كان
امنيه قامت بالواجب
(وش متغاظ ومتنرفز وبيشد فى شعر)

واكيد انا ماسكتش
:D
قمت بالواجب بردو
اصل التواقيع كلها عندي
لو اتزنقتى فى توقيع قوليلى وانا ابعتهولك
ايوها خدمه
:D :D :D