Tuesday, November 13, 2007

احنا بندون ليه ؟؟




سلام عليكم

سؤال سألته لنفسى من شويه ...انا بدون ليه ؟؟
مالقتش اجابه بصراحه ..ماعرفش انا بدون ليه ؟؟
احيانا يمكن الواحد يكتب موضوع يفيد غيره او يسيب اثر
او يقول معلومة ..او يقول خبر واحداث من اللى بتحصل دلوقتى
يمكن بعض التدوينات اللى دونتها كنت عاوزة اوصل منها
او بعترض على حاجه مش عجبانى بأسلوب ساخر شويه ..
طب ايه ..؟؟ وبعدين ..؟؟
دونا
وكتبنا
وقلنا اللى نفسنا نقوله
طب وايه كانت النتيجه ؟؟
اول مره احس ان التدوين مالوش لازمه
بغض النظر عن بعض المدونات اللى بتابعها دايما
وبجس انها بتقول حاجه او ليها لازمه
لكن المدونات اللى مالهاش لازمه
مدونيها ..بيدونوا ليه ؟؟
زهق..؟؟؟ يمكن ...!
فضا ...؟؟؟ احتمال ..ليه لأ؟؟
بس بجد يعنى حد سأل نفسه مره انا بدون ليه ؟؟
يمكن السؤال ده طق فى دماغى فجأه نتيجه للحاله النفسيه السيئه اللى بمر بيها
فى لحظه قررت ابعد عن النت وعن التدوين
وحتى كمان عن زعتر ..اللى فعلا لو بعدت عنه يوم
بحس انه فى حاجه غلط فى يومي
بس اذ فجأة كده كنت مقرره القرار ده
وطلع سؤال انا بدون ليه ؟؟
بدخل نت ليه ؟؟
اكيد طبعا بستفيد ..
بتواصل مع البشر
بس ماهو كل ده ممكن يحصل من غير نت ..
مممممممممممممممممممممم
مش عارفه بصراحه ...لسه بدور على اجابة السؤال ده
انا بدخل نت عمتا ليه ؟؟
حد سأل نفسه السؤال ده ولقاله اجابه ؟؟
.................!

13 comments:

عصفور المدينة said...

ياااه السؤال ده متأخر أوي
أنا سألته لنفسي قبل ما ابدأ

لماذا عصفور المدينة

mohammed alsha3r said...

كويس والله السؤال دا

علشان كل مدون يعيد ترتيب أوراقه من جديد

يعنى يظبط نيته

يشوف سستم معين يمشى عليه فى التدوين

مش اهو عمل بلوجر

والسلام

ولما تيجى حاجه على دماغه

يكتبها وخلاص

على العموم

سؤؤؤؤؤؤؤؤؤال مهم جدا لكل مدون

مش عاوز اطول علكيم

السلام عليكم

waleed said...

أنا من رأيى إن المدونة هى البحث عن الذات وأحيانا بحس إنها حديث النفس والإستقلالية المفتقدة داخل المنتديات ومحاولة كسب حب الأخرين لأن الأخرين يعلمون أن هذه المدونة تخص فلانا فيثوموا بزيارتها يارب أكون صح

Mo7amed AbdEl-Salam said...

بنعمل مدونة لمعرفة افكار انفسنا

من السهل جدا انك تقرا مقال او فكر

لكن لما نيجى نكتب بنكتشف ان افكارنا محتاجة لترتيب و ان القراءة لا تكفى لانها لاتجعلك تفكر

اما الكتابة فتجهلنا نخرج ما بانفسنا
ترتيب افكارنا و تعتبر نوع من الخروج عن الحالة المكبوته لدينا


leehkeda.blogspot.com

radwa said...

اخ عصفور المدينه
طيب الحمدلله مش انا لوحدى اللى طلع السؤال ده فى دماغى
D:

radwa said...

اخ محمد الشاعر
فعلا المفروض الواحد يعيد ترتيب اوراقه من تانى
عل وعسى يعمل شئ مفيد بالمدونه
ماتبقاش مجرد مدونه وخلاص

جزيت خيرا

radwa said...

اخ وليد
كلام حضرتك صحيح الى حد ما
بس مش كل المدونون بيكون هدفهم الاستقلال
ممممممممممممممممم
يمكن يكون التدوين تعبير عن النفس زى ماحضرتك قلت
تعبير ملائم جدا

بس لو التدوين ده مالوش لازمه
يعنى مجرد كلام بيطلع وخلاص
يبقى المدونه كلها مالهاش لازمه

ولا ايه ؟؟

نورتنى (:

radwa said...

اخ محمد عبد السلام

حلو جدا تعبير نعرف افكار نفسنا
رائع جدا

تقريبا شبه الاجابه اللى وصلتها

جزيت خيرا
(:

الجمعاوي الاصيل said...

اقولك احنا بندون ليه
بندون علشان ده سلاحنا اللى احنا نملكه
لفضح الظالمين والمساعدة على تعريتهم امام الناس وتغير المنكر مصداقا لقول النبي صلى الله عليه وسلم
من راى منكم منكراً فليغيره بيده فان لم يستطع فبلسانه فان لم يستطع فبقلبه وهذا اضعف الايمان ونحن نملك التغير باللسان فلن نتركه
وسؤال حضرتك مهم وزي مقال الشاعر لابد ان يسأل كل مدون لماذا يدون ويرتب اوراقة وينظر في نيته
والسلام ختام
لمعرفة انجازات السيد نظيف
تعالوا عندنا وانتوا تعرفوا

radwa بس مكسله اعمل تسجيل دخول said...

اخ جمعاوى
بس مش كل المدونيين كده
انا بتكلم عن المدونات التى لا تحمل اى هدف
بعض المدونون مدوناتهم لها اهداف
دى مدونات تستحق الزياره
تستحق ان تستمر
لكن المدونات الاخرى التى لا هدف لها
مدونوها بيدونوا ليه ؟؟
ايه الغرض؟؟

ممممممم
اخر ماتوصلته انه تعبير عن بعض الافكار بداخلنا
حتى لو مالهاش فايده
محاولة الاتصال بآخرين من العالم الافتراضى

أم حذيفه said...

من واقعي
انها تعبير عن رأي بدون خنقه
من حد

radwa said...

هو اكيد يا ام حذيفه هتعبرى عن رأيك من غير خنقه من حد
وماحدش هيقول بتقولى ده ليه وماشابه
بس بردو التدوين احيانا بيكون بلا هدف
يعنى تدوين مالوش لازمه
وده اللى بسأل عنه
لما تكون تدويناتنا لا تحمل اى هدف او قيمه
يبقى ايه لازمتها ؟؟

لو مجرد للتعبير عن النفس
او كتابة اللى مش عارفين نكتبه فى المنتديات
بدون هدف او قيمه يبقى مالوش لازمه
ولا ايه ؟؟

دمتى بود (:

AbdElRaHmaN Ayyash said...

التدوين في حد ذاته انا بعتبره هدف
لازم نعبر عن نفسنا في مجتمع مفيش فيه اي مكان للتعبير
المهم في التدوين من وجهة نظري ان ميكونش فيه رقيب عليكي غير ربنا و بعدين نفسك
لو حطيتي اي اعتبار تاني
يبقى ملوش اي معنى التدوين
على كل حال السؤال ده كتير بيسأله لنفسه
و كتير بيطلع بنفس النتيجة
ان احنا بندون .. عشان لازم ندون
بس
سلام