Saturday, July 12, 2008

من مذكرات فتاة في سن العشرين



قالت له : مبارك يا حج عقبال بنتك
فقال لها : وفي السماء رزقكم وما توعدون .
*******

قال : احبك
لم تشعر بها وقتها
ولكن بعد مرور شهرين ردت قائله
احبك
وما ادركته بعد عدة شهور ان ليس كل من قال احبك
فهو صادق .
*******

كان من احب الناس الي
لكن شاء الله ان يتوفاه منذ عامين
فرحمة الله على الجميع .
*******

كلما سمعت اسمها منه انتابنى الحزن والفرح معا
الحزن حين اشعر انه ليس لي
والفرح عندما اشعر انه يحبها وسعيد لأقصى درجه
فالسعاده الحقيقيه تكمن في سعاده من نحب .
*******

حينما ضاعت فقدت الامل فى ايجادها مره اخرى
بعد مرور شهر ويزيد ..وجدتها صدفة
تحمل ذكريات وافكار وتطلعات
وربما بعض الاسرار المخفيه
فما ضاع شيئا من مكانه الا وعاد اليه ثانية
ولكني لم اعد ارغب فيها كسابق عهدي.

*******

قد نظن احيانا ان من نعرفهم اصدقاء لنا
وقد نستأمنهم على اسرارنا
ولكن بمرور الوقت نجد اننا اخطأنا
فى وصفهم بأصدقائنا
فلا تأمنن لاحد ابدا .. حتى لو كان صديقا حقا ..
*******

قالت لها في حنق وغضب : اتركيني وارحلي عني الان
فردت قائله : عفوا يا امي
وتسللت الى حجرتها والدموع تملأ عينها
ومن حينها تتمنى الام ان تصبح صديقة لابنتها
لكن لا محاله ..
فرفقا ايتها الامهات ..
*******

دوما ما تفضل الصمت
فكلما سألتها عن سبب حزنها
تجيبينى دموعها اجابات غامضه غير مفهومه.
*******

سألته ذات يوم هل احببتها حقا ؟؟
يجيبنى بهدوء ..هى زوجتى ويصمت
كم اكره الفتور والجفاء فى العلاقات الانسانيه .
******

يقولون عليها ابنة ابيها ..
لحبها الشديد له ولقربها منه
ولكنهم لايرون الحقيقه.
*******

هي صامته تتسم بالهدوء
قليلة الكلام مع الاخرين
لا نرى لها اصدقاء
بمرور الوقت علمنا ان صديقتها هي
وسادتها ..
*******
****
*

25 comments:

فارس بلا جواد said...

هي صامته تتسم بالهدوء
قليلة الكلام مع الاخرين
لا نرى لها اصدقاء
بمرور الوقت علمنا ان صديقتها هي
وسادتها

بوست مميز جدا
بس يميل لاحساس غريب شويه اتمنى ميكنش صح

تحياتى

ياسر سليم said...

طيب وانتى قدرتى تجيبى مذكرات الفتاه دى منين ؟

ياسر سليم said...

شكلك هتقولى ..


خليك فى حالك

Anonymous said...

قد نظن احيانا ان من نعرفهم اصدقاء لنا
وقد نستأمنهم على اسرارنا
ولكن بمرور الوقت نجد اننا اخطأنا
فى وصفهم بأصدقائنا
فلا تأمنن لاحد ابدا .. حتى لو كان صديقا حقا ..
******


صدقا"
شئ اكثر من حقيقى
بل هناك الاكثر
ولكونك فى العشرينات..لا تدركيه
انتظرى للاربعينيات..ستجدى اعجب من هذا

radwa said...

اخ فارس
.......

ماغريب الا الشيطان

جزاك الله خيرا ..

radwa said...

اخ ياسر
.......

مممممم
لا مش خليك في حالكولا حاجه

دي مجرد افكار ومواقف ربما يتطرق لها البعض

وربما تكون فى مذكرات احداهن يوما..

دمت بود

radwa said...

ست الكل
......

اعجب من هذا ؟؟

ربنا يستر

منوره المدونه يا ست الكل

مش كنتى قلتيلي انك جايه كنت قلت لجابر

كوبايه شاى او اسبرسو لست الكل ؟؟

blue-wave said...

حلو البوست بجد
تحياتى

Darsh said...

قد نظن احيانا ان من نعرفهم اصدقاء لنا
وقد نستأمنهم على اسرارنا
ولكن بمرور الوقت نجد اننا اخطأنا
فى وصفهم بأصدقائنا
فلا تأمنن لاحد ابدا .. حتى لو كان صديقا حقا ..

-------------------------------

لا يلدغ مؤمن من جحر مرتين

بدئت أخاف أكون مش مؤمن

ده في كل سنتي من جسمي في لدغة من الموضوع ده

شكلي كده الغلط فيا انا

radwa said...

دكتور عمرو
............

نورت المدونه

دمت بود

radwa said...

اخ درش
.......

اكيد العيب فى حضرتك
:D

يمكن فقط عشان مش بنظن ظن سئ فى الناس

وبنعتبرهم اصدقاء لنا

بس بنلاقى بعد كده العكس

فيكون الافضل لا اصدقاء

...........

انا مش مقتنعه بالكلام ده على فكره

مجرد اعتقاد ..

او فكره مرت بخاطري

فقط ليس الا

Ahmed Mohamed said...

حاسس انك بتاخدي من كل ذكري للبنت
كلمات يعتمد علي فهمها ذكاء القارء
يعني هوه عليه يعرف القصه من خلال هذه الكلمات
.........
في تعريف من انا لمدونة حضرتك

__بحلم وحلم بسيط..مش كتر مال ولا سيط__

صيت مش سيط

علي فكره محمد فؤاد غناها صيت مش سيط

radwa said...

اخ احمد
........

ايوة فعلا هي صيت مش سيط

جزاك الله خير..

Che_wildwing said...

بوست متميز
ولكن تغلب عليه عوارض الحزن
أرجو ألا يكون الحزن متمكنا
إلى الأمام دوما
دمتى مبدعة

radwa said...

اخ تشي
......

منور المدونه ..كان نفسي اقول شاى ياجابر لاستاذ

بس جابر هناك فى قهوة مدونة بشمهندس وائل
:D

..................

الحزن يتمكن منا على الورق وداخل المذكرات اكثر من الواقع

فهذا افضل بكثير قطعا من ان يتمكن منا فى الواقع بهذه الدرجه

...

دمت بود

كلبوشستان said...

اقوال حياتيه محسوسه اوي وعبرتي عنها باسلوب رائع ومميز

ربنا يسعد اوقاتك ان شاء الله

يا ستي ما نزقيش ما انا مخليني في حالي اهو

يلا فتك بعافيه

وائل مصطفى said...

خواطر ومذكرات من نوعيه خليك فى حالك فعلا

وان كان اغلبها يميل للتشاؤم

لكن مصاغه بطريقه ادبيه رائعه

متابع لو فيه باقى

لو مفيش متابع برضه

(:

radwa said...

اخ كلبوشستان
.............

ربنا يسعد اوقاتنا جميعا ..

نورت المدونه

radwa said...

بشمهندس وائل
..............

حضرتك شايف انه من نوعية خليك فى حالك

طب ليه مش خليتك فى حالك ؟؟ :P

حضرتك تابع براحتك طبعا

قهوة ياجابر للبشهمندس
:D

عروسة ننوسة said...

الله عليكى يا رضوى وعلى كلامك والله ده حكم .....بجد بوست مميز

radwa said...

عروسه ننوسه
.........

منوره المدونه ياحجه

حكم ياخواتى حكم
:D

ربنا يكرمك يابنتى

نورتى المدونه

ابن ادم said...

قد نظن احيانا ان من نعرفهم اصدقاء لنا
وقد نستأمنهم على اسرارنا
ولكن بمرور الوقت نجد اننا اخطأنا
فى وصفهم بأصدقائنا
فلا تأمنن لاحد ابدا .. حتى لو كان صديقا حقا ..

معاكي حق يا اخت رضوي ..
بس مش كل الناس زي بعضها .. أكيد في بعض الأصدقاء مخلصين ..

radwa said...

اخ ابن ادم
.......

اكيد طبعا مش كل الناس زى بعضيها

دمت بود

Dr.m said...

سألته ذات يوم هل احببتها حقا ؟؟
يجيبنى بهدوء ..هى زوجتى ويصمت
كم اكره الفتور والجفاء فى العلاقات الانسانيه
>>>>>>>>>>>>>>>>>>>>>>
تبلد المشاعر شيئ صعب فعلا
بوست جميل وكلمات معبره
تحياتي
سلام

radwa said...

dr\m
...........

منور المدونه

جزاك الله خيرا