يوم من عمري ... اجمل يوم في حياتي

الاحد 3/10/2010

انهارده الحمدلله 

كان اجمل يوم في عمري بجد 

واصعب يوم بردو 

نبدأ من اول اليوم 

يومي انهارده بدأ من الساعه 3 الفجر 

قلقانة ومش عارفة انام 

والصبح عندي فاينال بريزنتيشن ولازم اروح فايقة 

كملت نوم 

بئيت كل ربع ساعه او نص ساعة بالكتير

اقوم ابص في الساعه وانام تاني

لحد الساعة 5 ونص الفجر

صحيت كويت وفطرت وجهزت حاجتي 

واعدت ع النت :D :D 

لحد اما جه معاد نزولي الساعه 7 ونص 

وصلت الجامعة 8 وربع 

المواصلات كانت زحمة مووووووت

المهم وصلت بالسلامه وصوتي بايظ نوعا

اعدت استنيت باقي التيم بتاعي

واتجمعنا كلنا
قولت عشان اظبط الصوت
اشرب نيسكافيه

واتدلق عليا والحمدلله... ربنا يسامحه اللى كان السبب

معانا البروشورز

والمجلة بتاعتنا 

وكلنا لابسين اسود في احمر

معاد البرزنتيشن بتاعنا كان 10 ونص

مستر احمد دخلنا التيتشرز رووم عشان ناخد عليها

لانه دي كانت تالت مره ندخلها

والمرتين اللى دخلناهم فيها 

كنا احنا المستمعين 

المره دي احنا اللى هنتكلم

الساعه 9 ونص لاقينا مستر احمد بيقولنا 

جهزوا نفسكم ارامكس جايين وممكن تبدأوا 10

مش حسينا بتوتر ولا قلق 

وطول الوقت بقول لنفسي جملة مستر احمد دايما يقولهالنا

"ده بيتكم ماتخافوش وماتقلقوش الضيوف الجايين هما اللى المفروض يخافوا "

وعماله بردو اقول

احنا تعبنا اوي وربنا مش هيضيع تعبنا

لحد اما دخلنا التيتشرز رووم

ووقفنا حسينا بألفة :D :D 

ظبطنا حاجتنا ومستنيين نبدأ

جه جزء من الضيوف اللي جايين من ارامكس

بس فضلنا قاعدين مستنيين الـ COA 

بتاع ارامكس  عشان مش كان جه لسه

ووزعنا البروشورز بتاعتنا

وطول ماحنا واقفين عمالين يسألونا

مستر احمد عدى علينا واحد واحد ولاقيناه بيقولنا

انهارده احسن يوم في حياتكم افتكروه كويس

لحد اما جه اخييييييييييرا الكبير بتاع ارامكس

وبدأنا البرزنتيشن

خلصنا وخلصوا علينا

وهرونا اسئلة 

بس الحمدلله 

ربنا كرمنا وقدرنا نرد على كل اسئلتهم واستفساراتهم

ووزعنا عليهم المجلة بتاعتنا

وزعنا عليهم حلم ومجهود 7 افراد لا 8

وزعنا عليهم ورق مرسوم بالرصاص وبئى حقيقة في ايدينا 

على شكل مجلة اطفال

مالاقيناش منهم رد فعل  خالص 

حسينا ان مستر احمد ومس هند مبسوطين 

بس احنا كنا متضايقين جدا

حسينا اننا مش ادينا كويس

تعبنا راح

كنا واثقين ان ربنا مش هيضيع مجهود حد

بس كنا قلقانين

وكان عندنا اداء احسن من كده 

او يمكن احنا مش حسينا اننا ادينا كويس

مش عارفه 

بس خرجنا مكتئبين جدا جدا

قولت في نفسي

مستر احمد بيقولنا انهارده احسن يوم في حياتكم

فين الاحسن ده بئى ... احنا كنا وحشين واكتئبت جدا

كان فاضل بيني وبين الدمعه زقة 

لو حد كان جه جنبي كنت هعيط بجد

اللي يضحك بجد مستر احمد كان كل شوية يعملنا علامة الاسمايل

عشان نبتسم ونبئى منشكحين

:D :D :D

في نص اليوم مستر احمد شافنا وسأل علا

مالهم مكتئبين ليه؟

قالتله مش مبسوطين عشان مش ادينا كويس

قالها طيب اما اطلعلهم فوق

المهم بعد ماخلصنا

مشينا عشان الجروب اللى بعدينا

وفضلنا مستيين الجروبس كلها تخلص

عشان نعرف مين افضل جروب وافضل مشروع

عشنا حياتنا في الكلاس بتاعنا فوق

اخر مره نشوف فيها الكلاس رقم 29 

اللى قضيناه فيه اجمل واصعب ايام في حياتنا

اتصورنا كتير اوي صور لأرامكس وللـ FGF 

وبعدها طلبوا من الجروبس كلها انها تتجمع

عشان يصورونا صورة جماعية

كنا 4 جروبس بس

Arakids

Globemex

Araspor

face to face

بعد ما اتصورنا لا قينا الـ COA 

بيقول

هنقول مين افضل تيم دلوقت 

سكت شوية

قلبنا دبدب جامد جوانا

وبصلنا

وابتسم

فضلنا مترقبين ومستنيين نسمع هيقول ايه 

مستر احمد عينه لمعت كده 

واحنا كنا خلاص على اخرنا

لحد اما نطق اسمع المشروع بتاعنا

Arakids

ماكناش مصدقين

ايه ده بجد ؟؟؟ احنا ؟؟

معقول

الفرحه ماكانتش سيعانا

ومش مصدقين بجد ان مشروعنا نجح 

واننا افضل تيم

كان التيم التاني المميز 

Arasport

بجد بجد ماكناش مصدقين اللى بنسمعه

الفرحه اخدتنا اوي
مستر احمد عينه لمعت اوي
وفرح اوي اوي اوي

وفرحنا من قلبنا كلنا اوي اوي

بجد بجد فرحتي انهارده ماتتوصفش

فرحت من قلبي فرحة نسيتها من زمان

فرحة انهارده نسيتني حاجات كتييييييييييييييييير كنت شايلة ليها هم كبير

الحمدلله 

تعبنا 3 شهور ونص ماراحش هدر

حلمنا اللى حلمناه 3 شهور حققناه

ولمسناه بإدينا 

فرحنا بجد فرحة عمرنا

قولنا لمستر احمد شكرا يامستر

وقولنا لمس هند شكرا يا مس هند

بجد بجد ليهم فضل علينا كبير

نزلنا بعد كده كلنا واتغدينا سوا 

ومستر احمد جه اتغدى معانا

كان فرحاااااااااااان

واللى كمل فرحتنا بجد لما شوفنا قد ايه مستر احمد ومس هند فرحانين

مس هند خدتنا في حضنها ومش مصدقين بجد

اللي فرحني اكتر لما مستر احمد قالنا 

شرفتوني 

بجد بجد هو ماكانش يستاهل مننا اقل من كده 

بالعكس 

ده يستاهل ده وزيادة كمان اضعاف مضاعفة

مجهودنا بالنسبه لمجهوده ولا حاجه

لولا توجيهاته ونصايحه 

وبصراحه كمان تكشيرة وشه بعد كل فورمال

هي اللى دفعتنا واللى خلتنا نبئ افضل تيم 

حبيت اكتب الكلام ده كله 

عشان مش عايزة انسى تفاصيل اليوم ده خالص

بجد بجد 

احلى يوم في عمري 

زي ماقال مستر احمد

شكرا جدا يا مستر 

شكرا بجد 

اكمل بئى شوية ذكريات من اليومين اللى قبل اليوم ده

يوم الاربع الاول 

يوم السيمي فاينال 

يوم اما عملنا بريزنتيشن حلو وكنا حاسين قد ايه احنا كنا كويسين

غير كده شهادة الجروبس التانيه اللى معانا

وشهادة الناس اللى جاية من الاداره على اسم اراكيدز

وكم كلام المدح اللى سمعناه من اصحابنا

لدرجة اننا خوفنا الصراحه :D :D

ونلاقي مستر احمد مكشر في وشنا طول اليوم

ومش راضي يقول ماله

وال ايه 

تاني يوم يقولنا 

كنت بمثل عليكم 

طيب يامستر قولنا كلمه حلوة

قالنا الكلمة الحلوة هتسمعوها يوم الفاينال 

واما سألناه يوم الفاينال 

قالنا 

بجد شرفتوني 

بجد دي كلمه احسن كتير 

من اللى كان نفسنا نسمعه منه

يوم السبت

اللى قبل اليوم ده على طول

كنا بنطبع المجله بتاعتنا 

عشان نحطها في البرزنتيشن تاني يوم

الطباع تعطل كذا مره

في ايه يا مستر

مش عارف

طيب المشكله فين

في الطباعة

طيب وبعدين 

ادينا بنحاول

مستر احمد قالنا

لموا نفسكوا وروحوا الجامعه استنوني بئى

قولتله شكلها عين يامستر

قاللي شكلها كده

=))

مانساش ابدا واحنا عاملين برزنتيشن في الجنينه

والتيم بتاعي كله اما طلع في صوت واحد وقال

of course radwa

دي بئى حكايتها حكاية 

ابئى انزلها في يوميات اف جي اف بئى

مانساش يوم الديش بارتي

ويوم الفطير والعسل

وكل ايام الاف جي اف
الصعبة منها والحلوة 
اللي زعلنا فيها واللى فرحنا فيها اوي

مانساش بردو فرحتنا بالكتاب بتاعنا

بجد بجد ايام مش هتتعوض

مع صحبة جميلة

علا وهبة وهبة وهناء وعصام ومنير

وانستراكتورز كانوا اكتر من اخواتنا بجد 

بذلوا معانا مجهود كبير

مهما شكرناهم مش هنوفيهم حقهم

ربنا ولك الحمد

:)

غموض

كل شخص منا له مفتاح 

نستطيع الدخول له به وفهمه فهما جيدا

ولكن ماذا عن شخصية غامضة جدا جدا

حتى لأقرب الاقربين لها

لا تفهم من كلماتها وحديثها

من نظرات عيناها

من نبرة صوتها

من هدؤها وعصبيتها

من كلماتها وسكوتها

لا تفهم حتى من دموعها

فتلك الشخصيات الغامضة

تحتاج الى معاملة خاصة جدا 

لا ادري اي نوع من المعاملات

ولكنها لا تعامل كباقي البشر

مفتاح فهمها مختبئ خلف سرها

ولكن ما الفائدة اذا كان السر واضح امامنا

فبالطبع سوف نفهم مابها

لكن حتما ولا بد هناك مفتاح اخر

مختبئ لا نعرف مكانه

فظني بها انها تتعمد اخفاء مفتاحها

نتيجة لانها اظهرته ذات مره

ولكن لم يره احد

...

مشاعر .... سلبية

قد يصلنا في وقت من الاوقات مشاعر سلبية تجاه اناس مقربة لنا

تصلنا تلك المشاعر نتيجة لموقف .. كلمة ... او حتى نظرة

وعند عقد مقارنة افعالهم بأفعال اخرون مفترض انهم اقل قربا منهم
تصلنا تلك المشاعر بقوة

ومايحدث اننا نشعر بالعكس

فالمقربون غير مقربون ... والغير مقربون مقربون

فكيف تصلنا تلك المشاعر ومن المسؤل عنها؟

نحن؟؟

ام الاخرون ؟؟

ام تصرفات كلانا قولا وفعلا ؟؟

وهولاء الغير مقربون .. لما نشعر انهم اكثر قربا من الاخرين المفترض انهم هم المقربون الينا؟

هل تصرفاتنا معهم تختلف عن تصرفاتنا مع المقربون الينا؟

ام المقربون لم يستطيعوا فهمنا واحتوائنا مثل الغير مقربون؟

فأصبح المقربون غير مقربون

والغير مقربون مقربون

او ربما سلبياتنا وعيوبنا ظاهرة بصورة اوضح لغير المقربون

فيتم التعامل معنا بناء على ذلك فتصلنا مشاعر سلبية منهم؟؟

او ربما اسباب اخرى في المقربون

ربما وصلتنا منهم مشاعر سلبية في موقف ما

فأصبحنا نتعامل معهم من منطلق تلك المشاعر

فأنت قد تكون تجاهلتني يوما

او لم تهتم بأمر ما

فأنطبعت عندي مشاعر سلبية...

فتعاملت معك من ذلك المنطلق

او ربما كان السبب كلانا

فاصبحت المشاعر المتبادلة بيننا سلبية جدا

ومستمرة لفترات طويلة جدا جدا

ولم يحاول كلانا ان يبدل تلك المشاعر لأخري اجمل

فربما اصابنا فتور من تلك العلاقة وسلبيتها

وربما ينتظر كلانا ان يبدأ الاخر

.....................

وتكون نتيجة تلك المشاعر بعدك عن هؤلاء الاشخاص
عدم رغبتك في الحديث اليهم
عدم الاهتمام والاكتراث بهم
عدم الرغبة في الجلوس معهم او عدم الاهتمام بوجودهم
وتبعات تلك المشاعر كثيرة ... وقد لا نستطيع حصرها
...
..
.

Don't lose hope

Sometimes we feel that we can't continue our life,

can't go on and we don't need to do any thing,

we feel that our life is ended and there isn't anything good to live.

We think that we lost everything, hopes, life, dreams and we become despair and see the dark side.

All of that are negative thinking, what if we changed it to positive??

sure it will be different and better, just we need something to push us to do that

to see the white side in our life, it may be a dream, love, business, sentence we heard before, and it may be someone helps us.

Sometimes we asking people to help us, may be they can, may be they not, may be they accepted and may be they not.

what if we thinking about ALLAH, turned to HIM and asking HIM to help us??

what if we raise our hands and just say please our GOD help us??

what if we pray to HIM and asking for anything we need??

our problem is that we are so far from ALLAH, if we turned to HIM, and give HIM all HIS rights, sure we'll see everything is good, we don't lose our hope, don't despair, everything will be right and the life will be like a paradise.

we also need to never lose hope in ALLAH, and think of HIM better thinking

if we do that, all our problems will disappear, if there are problems sure it will be trials by ALLAH to testing us, so we must be patient and never to be far from HIM, raise our hands, pray and pray and pray and put our trust in HIM, sure we'll never lose because our GOD keeps the best to us, if it is not now, sure it we'll be in the future or in the other life.

بعثرات قلم

أؤمن بربي واحسن فيه ظني
واعلم انه لن يمنع الخير عني
فما انا فيه ماهو الا خير منه
وان كان شرا فهو حتما مني
وادع للصمت مجالا ليتحكم
فالصمت غاية وعظيم فنِ
وما اخطه احيانا ليس الا
بعثرات قلم او نبع حزنِ
وللاحلام في الحياة دورها
فأنا منها وهي مني

*******
الصبر ملاذ كل مؤمن 
فبدونه العجز قد يتمكن
وتصبح الاحلام لا مكان لها
ويصبح تحقيقها غير ممكن
وقدرنا لابد ان نتقبله
مهما كان صعب او كان مرٍ
وجراح القلوب دوائها الصبرِ
والشفاء منها بطيلة الوقتِ
فلا جرح يدوم ولا الم يبقى
فكل الى زوال مهما طال العمرِ

  (: