Saturday, December 13, 2008

حارة زعتر

حارة زعتر

حارة من قلب مصر...صورة من مجتمع إنت عايش فيه ..أو نفسك تعيش فيه...
حارة زعتر بتعكس ملامح مجتمع كامل..مع "المتألقين" هتحس إنك إنسان جديد مش بس عايش لنفسك..لأ..ينابيع الخير في قلبك هتلاقي أكتر من مُتنفس..لما تساعد غيرك هتلاقي نفسك وهتحب المكان أكتر وهتقرر إنك تنضم ليه..هتدخل على بوابة الحارة هتلاقي أصحاب بيتكلموا في اللي نفسك تتكلم فيه..هتلاقيهم في الفرح بيهنوك وفي الألم بيواسوك...
وساعتها..
هتحس إن ده بيتك..
ودي حياتك..
ودول أهلك..
الشيخ مهدي قاعد في زاويته مستنيك وبيستنهض دايما همتك لفهم الدين والتقرب للخالق عز وجل ...والمنتجع التنموي والنفسي عبارة عن مكان ممكن تلقى فيه نفسك وتشكي فيه من همك ...من بيت جدتي هنية وبيت الخاطبة بتنطلق همسة حب بتدفع في نفسك الاحساس بدفء بيت العيلة ورائحة الأكل المضبوط النضيف والنصيحة والكلمة الطيبة...
لو بصيت لشمالك هتلاقي قهوة من غير لا شيشة ولا دخان ..لكن هتلاقي فيها نفس الدردشة ونفس الأحاديث الل ما بتنتهيش وفي ركن منها هتلاقي "لوكلوك أفندي" بيتلامض في كل حاجة وكالعادة مافيش حاجة في البلد عجباه
لو بصيت ليمينك هتلاقي الدكتورة رحمة قاعدة في عيادتها مستنية منك بس تقول آه علشان تقوم لخدمتك ولو بصيت قدامك هتلاقي حيطة كبيييييرة تساعي الكل ممكن ببساطة تخربش عليها إبداعك او ترسم عليها ملامح فنان ساكن جواك...
حارة زعتر فيها الملعب والورشة والسايبر ...
حارة زعتر فيها إنت
وفيها حياتك...
ما تترددش واسكن فيها هتلاقيها سكناك..

حارة زعتر

http://z3tr.arrawan.com/index.php

7 comments:

bastokka طهقانة said...

موقع لذيذ فعلا و مصري صرف
اول ما بدخله بشم ريحة الشاي ابو نعناع و ريحة فحم الشيشة
و صوت بتاع العرق سوس
حتة من مصر فعلا

اوروفوار

Dr.Soha Adel said...

جميل الكلام يا رضوى

بس تعالوا هنا انتوا بتعملوا بروموشن و لا ايه ;)

radwa said...

طهقانه
منوووووره جدا جدا
الحمدلله انه عجبك ياجميله

سوها
لا ياحجه مش بنعمل بروموشن ولا حاجه

وش بيبص لفووق

وليد said...

حارة زعتر عرفت فيها أعضاء لم ولن أنساهم وأيام بحلوها ومرها لكن ذكرى فى وجدانى

جزاكى الله خيرا يارضوى

radwa said...

وخيرا جزاك الله يا استاذ وليد

abom said...

السلام عليكم
عرفت أن فى جميعة خيرية
هى مقرها فين ؟
القاهرة و لا الاسكندرية ؟
و الفعاليات و كدة ؟
يعنى كنت عاريز أعرف أكثر
و جزاكم الله خيراً على عمل الخير

radwa said...

وعليكم السلام ورحمة الله وبركاته

ايوة يافندم في جمعية خيرية اسمها جمعية الروان الخيرية

مقرها الرئيسي في اسكندرية
في الابراهيمية

ولها فرع في القاهرة في فيصل
17 على عفت _ تقسيم عمرو بن العاص _المطبعة فيصل

حضرتك ممكن تعرف كل حاجه من هنا

http://www.z3tr.arrawan.com/forumdisplay.php?f=18

واي استفسار انا تحت امر حضرتك

جزاكم الله خيرا ..