Saturday, September 13, 2008

ومستحيل ياحزن راح تسكن




هكذا قالها منير

ومستحيل يااا حزن رااااااااااح تسكن.!

مختلفه معاه جدا

واعارضه بشده

فإن لم يسكنن الحزن ؟؟

فماذا يسكننا اذاً ؟؟؟

لست متشائمه

ولكن هذا هو الواقع

لايسكننا غير الحزن والالم

وكل شئ مسبب للضيق ..

ربما تمر علينا لحظات من السعاده ..

لكنها سرعان ماتمر

سرعان ماتزول البهجه

وسرعان ماتنقضي اللحظات الحلوة ..

ولا يظل بداخلنا غير الحزن والالم ..









هكذا دوما نعتقد

وهكذا دوما نقول ..

نحن من نجعل الحزن يسكننا

ونجعله يتمكن منا ..

ان شئنا ان نطرده خارجنا ..

سنفعل

ولكننا لا نريد ..

دوما ما اقول ان اردت شيئا بصدق

فسأحققه مهما كان ..

فإن اردنا نحن السعاده

فسنحصل عليها

وان اردنا ترك الحزن وطرده من قلوبنا

فسنفعل ذلك ايضا..

لكن ..ان اردنا نحن فعل ذلك

وبقوة ..

ربما يتمكننا الحزن كثيرا ..

وربما تكون الظروف اقوى واصعب..

لكن لا يجب ان نجعل للحزن مكان بداخلنا

نمر به ..وفقط

اما يسكن داخلنا ..!!

فلا

فلنضيئ شمعة قلوبنا بالسعاده

او بالرضا ..

لو رضينا سنجد انفسنا سعداء ..

فالأصل فى السعاده الرضا ..

فالننحى الحزن جانبا ..

ونبحث عن عوارض واسباب الرضا او السعاده

وتجنب عوارض الحزن ..

ربما تكون ..او غالبا ماتكون عوارض الحزن

شئ مفروض علينا .. لكن

لما نجعل لضيف ثقيل علينا مكان بقلوبنا ؟؟

لما لا نبحث عن علاجه وطرق طرده ؟؟!!

بالتأكيد هناك طرق كثيره

لكن نحن لا نراها ..

وإن بحثنا عنها فحتما سنجدها ..

فحتى متى سنجعل الحزن يتملك منا ..

وبالبطيئ يقتلنا ؟؟!!

فمهما حدث..سأردد دوما ..

ومستحيل ياحزن راح تسكن

ومستحيل ياحزن راح تسكن



27 comments:

blue-wave said...

الله عليكى يا رضوى فى الفلفسه:))
بجد تسلم دماغمك
عاجبنى البوست اوى
بس ياريت نقدر ننفذة

Abu Shahin said...

السلام عليكوا

ممكن نظريتك تثبت صحتها

بس فى كمان ناس بتعرف تحول الحزن لحالة شجن من الممكن تكون جميلة

يعنى اكيد الواحد لو فشل ف حاجة أكيد هايزعل و هايعيط

لكن الشاطر اللى يحول الموضوع ده بسرعة لمخزون خبراته ويشوف هو غلط ف ايه ويتعلم مايغلطوش تانى

(¯`'·.¸AhMeD.3LaM¸.·'´¯) said...

متفق مع حضرتك في ان الاصل هوه السعاده
والحزن هوه الغريب الذي يتردد علينا باستمرار

ولكنه ضيف لايمكننا ان نطرده
ولابد وان نستقبله
فهوه والسعاده شعور
والشعور هوه ما يعترينا ولا نعتريه
ولا نملك شئ سوي الانتظار
حتي يرحل بمفرده او يحل محله حزن اخر او سعاده نتمناها

يـمر بنا فقد وينتظر
اما
يسكن بدخلنا مطلقا
فلا

radwa said...

دكتور عمرو

فلسفة ايه بس ؟؟

ربنا يكرمك يادكتور

ماليش فى الفلسفه خالص والله
وطول عمري مابحبش الماده دي
:D

radwa said...

ستاذ ابو شاهين

وعليكم السلام

النظريه دي هتثبت صحتها

لو احنا قررنا بثبت صحتها

هو لو الواحد فشل ماشي هيزعل

اللى بقوله انه الزعل ده مايتمكنش منه كتير

شويه ويروح لحاله

احيانا تلاقى البعض حياته اسودت بسبب الفشل مثلافى حاجه بيحبها ..

طب ماتبص انت غلطت فى ايه وحاول تنجح المره التانيه

لكن نزعل ونعيط ونكئب نفسنا ونعيشها فى حاله نكد

لا لا لا

كتير بصراحه

فى حاجات اهم نضيع فيها وقتنا غير البكا والحزن

ولا ايه ؟؟

radwa said...

اخ احمد

نستقبله شويه وماله

لكن مايسكنش فى جوانا ونفضل عايشين بيه

شويه ولوحسينا انه هيطول

يبقى لازم نطره

ونرميله عزاله بره :ker:

يرحل بمفرده مع الوقت ..يمكن

بس حسب الوقت بردو

اللى بتكلم انه مايفضلش عايش جوانا ومتملكنا ..



**يـمر بنا فقد وينتظر
اما
يسكن بدخلنا مطلقا
فلا**

بالظبط كده

(¯`'·.¸AhMeD.3LaM¸.·'´¯) said...

**يـمر بنا فقد وينتظر
اما
يسكن بدخلنا مطلقا
فلا**

عشان رائي يكون واضح

ان الحزن او السعاده
مش بمذاجنا
ولا لينا اي دخل فيها
ولا حتي نقدر نبدل حالة الحزن لفرح والعكس

وحتي لما نقول لنفسنا
وانا مضايق نفسي ليه
ومفيش حاجه تستاهل
ونقرر نكون سعداء
بيكون الحزن هوه الي قرر يبعد عنا
لغورااااااااان اسابه
او لنسيانهااا
ونرجع للاصل وهي السعاده

وثنكس

هبة النيــل said...

رضوى

هناك أشخاص "تعشق" الإحساس بالظلم وأنها "مجني عليها" لكي تجتذب تعاطف الناس أو الإشفاق حتى على نفسها

وبالنسبة لهم هذه دائة مفرغة إذا لم يخرجوا أنفسهم منها لن يخرجهم أحد

لكل منا بحياته مشكلة أو ابتلاء زي ما اتفقنا

لكن "الشاطر" اللي يقف على رجليه رغم وجودها بكل ثبات

ويغني معاكي يا عسل

ومستحييييل يا حزن رااااح تسكن

بحبك أوي يا أوا

هبة

radwa said...

هبه الجميله

مممممم

دول مش اسوياء اكيد

او فاقدين الاحساس بالاهتمام من الاخرين

فعشان كده بيلجأوا للحل ده ..دول مش اسوياء نفسيا ..

اما الشخص السوي

ايه اللى يمنعه انه يبص للنص المليان من الكوبايه ؟؟

لو ساب حزنه شويه هيعرف يفكر وهيعرف ازاى يخرج نفسه من حزنه

ويجي يغنى معايا ومستحيل ياحزن رااااااح تسكن

رور ربنا يراضيكي ويرضى عنك

هبة النيــل said...

اللهم آمين
عنا وعنكم يا قمر

Wael said...

رغم انى معكى من اول من ينادو قائلين ومستحيل يا حزن راح تسكن .. الا انى اعرف نفسي .. فالحزن يسكن بدون استئذان وياتى فجاءه كضيف ثقيل ربما من موقف يحدث امامك فى الشارع لا علاقه لك به .. ربما من الوحدة ولا اقصد بها .. بقول ايه .. بلاش السكه دى الله يكرمك .. هنحاول ننفذ التعليمات اللى فى البوست .. دعواتك

radwa said...

بشهمندس وائل

انا ايضا انادى بها
بس كتير مابعرفش اعمل بيها ..
من غير زق طيب ..

المشكله انه الواحد بيتضايق فعلا غصب عنه لأى سبب كان
بس اللى بيغظنى فعلا اننا نعيش نفسنا فى الحزن والضيق ده
اكيد فى مخرج منه
ضد جدا اننا نحط نفسنا فى مود كأبه مالوش لازمه


بلاش السكه دي ماشي
اتبع يلا التعليمات

:D

Che_wildwing said...

فين السعادة فين اشتريها بدمى
وادفع تمنها من دموعى وهمى
فين السعادة فين ياناس طرقها منين
دة انا كنت بفرح تملى واضحك ليلى وصبحى
الضحكة زى ضلى مش بتفارق ملامحى

radwa said...

اخ شوريف
السعاده والله موجوده بس احنا مش بندور عليها
مش بنتمسك بيها
بنحب النكد زى عنينا :D

لا والله بجد
الانسان ممكن يبقى سعيد بالرغم من وجود مليون سبب يعكر عليه سعادته
ممكن جدا يبقى سعيد بطرق كتيره
بس المهم اللى يطبق وينفذ

منور يا متر (:

ibn_abdel_aziz said...

بس الحزن بيسكن وبيسكن فترات طويلة قوي ولاسباب كثيرة واكثر سبب هو ظلم الناس وقساوة احكامهم وبلادة مشاعرهم وتعاملهم مع البشر اللي زيهم انهم اشياء مش بني ادمين

الحزن بيسكن بيسكن بجد

همس الحنين said...

رضوى الحياة مليئة بالحجارة فلا تتعثرى بها بل اجمعيها وابن بها سلما تصعدى بة الى النجاح وربنا يدوم عليكى البسمة يارب وانتى نورتينى فى المدونة وياريت تكرريها

Anonymous said...

مدونه جميله

وكلمات اجمل

اول زيارة
ان شاء الله مش الأخيرة


اختي لي سؤال او طلب مساعده

انا مش عارفه اضيف حاجه في المدونه بتاعتي انا انشأت مدونه جديده بس عايزة اضيف فيها شات بوكس والساعه والمواقع اللي بدخل عليها بس مش عارفه ممكن تقوليلي اني بتنزليهم ازاي او قوليلي اتعلم انزلهم من اين ؟ في موقع يعلم الحاجات دي ولا لأ ؟ وشكرا............. هند

radwa said...

اخ ابن عبد العزيز
...............

ماهوة الحزن بيسكن ماشي
بس مايسكنش فترات اطول من اللازم ..
طيب تفتكر الحزن اللى بيصيبنا من ظلم الناس وقساوتهم هيغيرهم ولا هيغير حاجه ؟؟
ماعتقدش ..
يبقى ايه لازمه الحزن بقى ؟؟

radwa said...

همس الحنين
......

هو ده الكلام
منوره المدونه يا جميل .. اكيد هزورك تانى ان شاء الله

radwa said...

هند
.....

منوره المدونه ياستى
بصي هو صعب اشرحلك هنا ازاى تعملى الحاجات
لكن ممكنى تدخلى هنا
http://z3tr.arrawan.com/showthread.php?t=32923

ولو فى اى حاجه انا تحت امرك فى اى وقت
(:

Abd-Alrahman said...

علي فكرة محمد منير صح
احنا ممكن نحاول ننسي الحزن ولكن من الصعب نطردة من قلوبنا

مستحيل

احييكي علي رايك وعلي التدوينة الجميلة

وكل سنة وانتي طيبة

الصيدلي المطحون

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

radwa said...

الصيدلي المطحون
..........

منير صح فى حاجات كتير جدا جدا

ليه صعب نطرد الحزن طالما هنقدر ننساه ؟؟

انا مش قصدت الحزن ذاته
انا قصدت الحزن على شئ معين
مايستمرش كتير
ماينفعش ياخد اكتر من وقته
وبعدها لازم نطره
بالذوق او بالعافيه
وش شرير

لكن الحزن فى حد ذاته هيتواجد من وقت للتانى

بس زى مابقول لحضرتك كده
ماينفعش ياخد اكتر من وقته ..

لو حسينا انه هياخد اكتر من وقته يبقى لازم ينطرد وفورااااام

Anonymous said...

شكرا يا رضوي جزاك الله خيرا

هند

ahmed_k said...

أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد

radwa said...

استاذ احمد

كل عام وحضرتك بخير ..

جزاك الله خيرا..

قآهرٍ الليل said...

صحيح أن الحب شي جميل لكن هناك ماهو أجمل رضى الله ورضى الوالدين هو أجمل شي وأفضل شي موجود في الكون وأرجوكم
ياأخواني أن لاتنسوا هذا



تحيــــــآتي

قآهرٍ الليل