Saturday, March 29, 2008

منك يا جهازي ..اتخنقت ومليت




سلام عليكم ورحمة الله

اتخنقت من الكمبيوتر فعلا

جبت اخري منه

المشكله مش فيه...

المشكله فى الفيروس اللى كل شويه يهجم عليه

ومايجينيش غير تروجان

يبوظلى الماسينجر ويطيرهولى

ومايشتغلش تانى خالص...

اعمل سكان واموت التروجان...

واقول هيشتغل...

ابدا..

طيب اعمل ريموف للماسينجر وانزله تانى

بردو ابدا ..

حالف مايشتغل..

كل فتره لازم يجيبلى العصبي

مابعرفش اقعد من غير ماسينجر يا ناس ..

مايرضاش يشتغل غير بنسخة ويندوز جديده

يووووووووووووه

هو انا كل اسوبعين تلاته هنزلي نسخه جديده ؟؟

ايه الذل ده ؟؟

بضطر فى حالات الطوارئ

ادخل من سايت خنيييييييييييييق لماسينجر الياهوو

بيخنقنى جدددددددددددددا

لكن مجبر اخاك لا بطل ....

زهقت فعلا من الجهاز العجيب ده ..!

واللى يغيظ اكتر التروجان اللى كل شويتين ينطلي عليه ..

لسه حالا اهوه عامله ريموف ومسطبه الماسينجر تانى...

وبردو بردو بردو..

ماشتغلش...

ومش هنزل نسخة ويندوز تاني..

وان شالله عنى مادخلت ماسينجر

ولا حتى شوفته...




6 comments:

ياسر سليم said...

سلام عليكم

الواحد اتأثر قوى من التدوينة من كتر الاشكال اللى حاطاها دى

بس انا هقولك تعملى ايه
يمكن ينفع معاكى
قبل ما تنزلى نسخة ويندوز تعملى سكان الأول وبعدين تنزلى النسخه
بعد كده اول ما الويندز ينزل اعملى اظهار لجميع الملفات المختفيه
وبعدين تدخلى اى بارتشن بكليك يمين اوبن
ما تعمليش دبل كليك
هتدخلى .. لو كان فى فيروسات هتلاقيها ظاهرة تدلتيها بكل ذوق
وخلصت على كده
واى خدمة

radwa said...

وعليكم السلام ورحمة الله

عود احمد يا اخ ياسر

الوشود دي من كتر الغيظ اللى كنت فيه يومها
حقيقي جهاز مخنق
ومايجيلهوش غير تروجان
ايه الذل ده


اخويه بيعمل الحركه دي
وقاللى عليها
بس مش كل شويه هنزل ويندوز عشان التروجان

بعد مانزلت واحد جديد
يومين ولاقيت التتار هجموا على الجهاز

كنت هطققققققققق

جزاك الله خيرا يابشمهندس
(:

امنية said...

رضوى

كمبيوترك ده بيشرب ويندوز يابنتى
كل شوية تنزلى
انا بقول اعتزلى النت بقى بجد زهقتلك يابنتى
:@

:D

radwa said...

الويندوز مشروب رسمي للجهاز بتاعى
زى الراعى الرسمي بتاعتنا كده

:ker:

Dr.Soha Adel said...

مش عارفه ليه المشكله دي عند الكل

انا برده زيكي يا رضوى

لما تلاقي حل ابقي تعالي قوليلي بقى

radwa said...

لموضه
منوره المدونه ياجميل
الحل الوحيد عصير ويندوز نضيف كل فتره

:D