Monday, October 15, 2007

عيد من غير تاج مايكملشى

سلام عليكم ورحمة الله وبركاته
عدنا بعد رمضان ...لكن عدنا بتاج D:
تاج من الاخت طعــــــــمه


لو قالولك اختار عصر من عصور مصر علشان تعيش فيه تختار أى ‏عصر و فى عهد أى حاكم .. واشمعنى؟

ممممممممممممممم
اى عصر سابق لعصرنا هذا اكيد هو افضل منه بكثير
لكن ممكن نقول العصر الاسلامى او الفاطمى


أول ‏أولويه فى حياتك عيلتك ولا شغلك ولا أصحابك؟
عيلتى اكيد


إيه أكتر ‏حاجه بتحبها في رمضان؟
روحانياته


اوصف ليا ‏أجمل فطار ممكن تفطره
اجمل فطار لما بكون مع اصحابى بره البيت
بيبقى يوم فظيع فعلا ..


لو أنت ‏حاكم على مجموعه من الأفراد هتكون عادل؟؟ طب هتعمل إيه عشان تتأكد إنك حاكم ‏عادل؟
هحاول اكون عادله طبعا
لكن ماقدرش اجزم او ايقن هل هكون عادله ولا لا؟؟
الخطأ وارد جدا حدوثه
هستشير غيرى عشان اتأكد انى عادله ولا لأ؟؟


اللى بيبوظ الحكام .. نفسهم؟ ولا الشعب؟ ‏ولا الحاشيه المقربه؟
كل واحد له دور
الشعب ممكن يفسد الحكام
والحاشيه ايضا
والحكام انفسهم
لكن اغلب من يفسدهم الحاشيه المقربه


مين ‏أكتر إعلامي مصري بتحترمه؟
عمرو اديب


قريت ديوان عمر مصطفى صاحب بلوج تجربه " أسباب وجيهه للفرح" ‏عن دار ملامح و لا لسه ؟؟
احم احم
اول مره اسمع عنه ..


لو ‏ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ‏ايه؟
حاليا بتمنى اشتغل اى شغلانه
بدل مانا قاعده عاطل كده ):


ايه تانى بلد تتمنى تعيش فيها بعد ‏مصر؟
السعوديه وخصوصا مكه المكرمه


اوصف ليا ‏ترتيبات أجمل فرح ممكن تحضره
الافراح كلها بقت شبه بعض
لكن عمتا بقيت احاول ماحضرش افراح بقدر المستطاع


بتراعي ‏كلام الناس والقيل والقال؟ لو اه او لو لا قول لى ‏ليه؟
مش فى كل الاحوال
على حسب...


صحيت من النوم ما لقيتش الموبايل ولا الكمبيوتر ولا ‏الكاميرا الديجيتال ولقيتنا ‏رجعنا لعصر الحمام الزاجل والحصنه هتكون سعيد؟
اه طبعا
هكون سعيده جدا


السعاده ‏هى؟
الرضا بما قدره لنا الله


عندك أمل ‏؟؟ أسبابك
طبعا
تفائلوا خيرا تجدوه
والسبب ان الامل فى ربنا كبير


لما تحب ‏تهرب من كل شئ بتروح فين؟
بقعد فى غرفتى واقفل النور
او اقعد فترات طويله قدام الكمبيوتر


امتى ‏أول مره خدت فيها نفس طويل كده وقلت بينك وبين نفسك يااااه الظاهر انا فعلا ‏كبرت؟
من كم يوم كده
كنت عند خالتو وقاعده مع بنتها
رجعت من السفر ..بقالنا سنه ماشفناش بعض
واحنا بنتكلم قلتلها هييييييييييييه خلاص يابنتى كبرنا


لما ‏بتعمل عمل خيرى بيكون ايه هو دافعك الاول؟
انى اعمل اى شئ يقربنى لربنا


بتشرب ‏سجاير؟ لو الاجابه اه ايه شعورك لو شفت ست بتشرب سجاير؟ وليه ‏؟
لا الحمدلله
لو شفت رجل او امرأة بتشرب سجاير
بشمئز جدا


بتعرف ‏ايدك اليمين من الشمال ازاي؟
من علامة الماوس اللى فى ايدى اليمين
من كتر مابقعد على الكمبيوتر وبمسك الماوس
عمل علامه غامقه فى ايدى D:


ايه اكتر ‏اله موسيقيه بتحبها ؟ ؟
البيانو
كنت بعزف عليه فى المدرسه هو والاوكرديون


فى رأيك ليه الذوق والنخوه ‏اتعدموا؟
عشان ماحدش بقى بيهتم بأى شئ غير بنفسه


ايه ‏الحاجه اللى لو حصلتلك تبقى سعيد قوى؟؟؟
حاجات كتير ممكن تخلينى طايرة من الفرحه
بس اكتر 3 حاجات
ازور بيت الله
احس ان والداى راضيين عنى
اشوف ابتسامة على وش طفل


تختار ‏يبقى عندك...أرض زراعيه ولا أجنس عربيات و لا كام عماره و لا فلوس فى ‏البنك؟؟؟؟
فلوس فى البنك


البحر و ‏لا النيل؟؟؟
اكيد البحر


مركب و ‏لا طياره؟؟
مركب طبعا


مجنون و لا ‏عاقل؟؟
نص نص ..ده رأيي
لكن رأى الناس اختلفت
عائلتى شايفين انى عاقله
اصحابى شايفين انى مجنونه


تقرأ ‏كتاب و لا تتفرج عليه فيلم؟
اتفرج عليه فيلم


أمررة لمين ؟
امنيه ......نويت اكوم مستقبلى
بشمهندس علاء..مش انا
الاخ ياسر سليم ...حياتنا كلمات
انا جعان
جنة ...ماعلينا
just Asmaa
اللؤلؤه ...صدفة فى بحر
لؤلؤة الزمن ...وحدى مع الاخرين
الاخ بيجيرا...صمتا
ليتنى حياة
اللى ماشافش اسمه ياخده بردو D:







18 comments:

امنية said...

سلام عليكم
حمد لله على السلامه يا رضوى
المدونه كانت متربه
;D

عصفور المدينة said...

كل عام وأنت بخير
إيه حكاية علامة الماوس دي انا قعدت أقلب إيدي أنا بقالي 15 سنة بامسك الماوس
:)

ولا أقولك خليني في حالي
:)

Mohamed Abdelgeleel said...

لاول مرة بالاسكندرية : دعوة لكل مواطن ولكل مدون حر: لحضور .............

ملتقي الدفاع عن سجناء الراي وحقوق الانسان بالإشتراك مع ....

تجمع المدونين الطامحين في وطن عربي بدون سجين رأي واحد

و بحضور نخبة من الصحفين والسياسين والمدونين

فرصه حقيقيه ليجتمع المدونين مع بعضهم البعض

ويعلنوا تضامنهم مع حرية الصحافه والكلمه في مصر

موعدنا : الخميس 18/ 10 الساعه 5

بنادي المحامين بجليم كورنيش البحر الاسكندرية

بحضور وائل الابراشي وعصام العريان ونخبة من رموز الاحزاب

اعلن عنا في مدونتك

radwa said...

امنيه
وعليكم السلام
فعلا كانت متربه
كان عليها تراب قد كده
غلبت على مانفضتها D:

...................

عصفور المدينه
كل عام وحضرتك بخير
هو فعلا فى علامة من الماوس فى ايدى اليمين
مش فى كف الايد نفسه
من كتر مسك الماوس وكمان عشان ايدى وانا ماسكاه بتبقى سانده على حرف المكتب
فعملت علامة مميزة
تلاقيها عند اللى بيقعدوا كتير قدام الكمبيوتر
مش مهم انهم 15 سنه
المهم بتقعد على الكمبيوتر قد ايه ؟؟
حضرتك فاهم حاجه ؟؟ (:

..............

Ahmed Essawy said...

كل عام و انت بخير ...

تاج جميل فعلا في وقت جفت فيه التاجات
:)
انا مش عارف اني نسيتي حتطيني ولا ايه
:(
يا استاذه
عموماً انا حاخده
انا الي كنتي مسمياني احمد الصاوي
:)

radwa said...

كل عام وحضرتك بخير
التاج انا مررته لكل اللى يقراه D:
تقدر حضرتك تستلمه طبعا بلاشك

ايوة فاكره ان حضرتك احمد الصاوى(:

إيمان الحسيني said...

حاليا بتمنى اشتغل اى شغلانه
بدل مانا قاعده عاطل كده


هههههههههههههههههههه
ماقولنا كده قولتوا اطلعوا من البلد
:P

radwa said...

انتى لسه فاكره ؟؟ D:
احساس انك عنصر غير فعال فى المجتمع وحش جدددددددا

عاوزة اشتغل على اى كمبيوتر
الاقى عندك؟؟
D:

Anonymous said...

كله يهون باذن الله لكن احلى اجابة الرضا بقدر الله

تحياتى لكى اختنا الكريمة

radwa said...

جزاكم اله خيرا يا اخ وليد

ابو صهيب ( الجمعاوي الاصيل)سابقاً said...

كل عام وانت الى الله اقرب وعلى طاعته ادوم
تقبل الله منا ومنك
انا فعلاص كنت نسيت التيجان
كويس ان انتي فاكرتينا بيها
بس انا اسمي مش مكتوب

radwa said...

اخ جمعاوى
اقبل الله منا جميعا
انا كتبت فى اخر البوست واللى اسمه مش موجود ياخده بردو D:

استلمه من هنا بدل ماتستلمه على يد محضر من النيابه D:

Anonymous said...

صحيح يارضوى فين بقية قصة المطحون

شاااااااااكووووووووش

Anonymous said...

قصة المطحون جاية فى السكه ان شاء الله
بس افضالها شويه ..وان شاء الله اكملها
(:

اللؤلؤة Nehal H Hamza said...

رضوتي
وحشاني أوي والله
ربنا يسعدك دائماً
ويحقق لكِ ماتتمنيه

في انتظار المزيد
من محتويات مدونتك الجميلة

احبك في الله يارضووووى

radwa said...

لؤلتى الجميله
انتى كمان وحشانى جدا جدا
احبك فى الله
منورة المدونه (:

لؤلؤة الزمن said...

السلام عليكم ورحمة الله

ازيك يا رضوى :)

شكرا على التمريرة دي ;)

عساكِ بخير دائما ان شاء الله

اختك في الله:

حفصه

radwa said...

حفصه
منوره المدونه
كل تاج وانتى طيبه
(: