Saturday, September 8, 2007

واحتضنته بقوة

قصة واقعيه جدا جدا ..:D
حصلتلى فعلا ايام الامتحانات ...كنت فاكره اكتبها وانزلها اول ما اخلص
بس انشغلت شويه كتير ...ولسه كاتباها من كم يوم كده
يعنى طااااااازه
:D
اترككم مع القصة ...
bye

عدت من امتحانى يومها سعيدة جدا ...فقد ابليت فيه بلاء حسنا وكانت الفرحة تغمرنى
فلم يتبقى لي سوى اختبار واحد فقط وانهي حياتي الجامعية... وابدأ فى حياة اخرى لا اعلم كيف ستكون ؟؟؟
لم يشغلنى كيف سيكون مستقبلي اوكيف ستكون الحياه بعد انتهاء الجامعه
كل ما كان يشغلني وقتها انه قد اقترب الوقت وسأنتهي من دراستي نهائيا
واذا بي جالسة امام التلفاز... سمعت صوت الهاتف... ركضت اليه مسرعة...
كانت احدى صديقاتى المقربات...
حدثتها قليلا فطلبت رقما احمله على هاتفى المحمول ....
ذهبت مسرعة الى حجرتى وكانت مظلمة... فأذا ابى احتضنه بقوة واحتضننى ايضا بكل قوته ....11#
حتى شعرت بآلام فى يدى اليمنى وبعدها وجتها تورمت وازدادت حمرة ...
يا الله ...عدت الى صديقتى مرة اخرى واعطيتها الرقم التي طلبته ...
ووجدت يدي بعدها ترفض ان تتحرك وازداد ورمها وحمرتها ...
يالك من حائط لعين ...اكنت مشتاق الى بهذه الدرجه حتى تفعل بي فعلتك تلك ؟؟

::v.happy:




21 comments:

بنات افكارى said...

السلام عليكم
هيييييييييييييه اول تعليق
واول زيارة لي الاقي حضرتك داخلة فى حيطة
لا حول ولا قوة الا بالله يارب تكوني بخير دلوقتي بس جميله القصة بداية مشوقة ونهاية بصدمة اضحك الله سنك كما اضحكتيني
الحقيقة مشروع نشر الاسلام جميل ربنا يكرمكم واتمنى المشاركة والحقيقة انا مش مقيمه فى القاهرة لكن يمكنني النزول فى اي وقت ان شاء الله فارجوا من حضرتك زيارة مدونتي المتواضعة للتواصل
علشان اعرف اشارك ازاي ان شاء الله
وهايسهل الموضوع اني هاكمل درسات عليا بجامعة القاهرة ان شاء الله
وخلي بالك المرة الجايه محدش ضامن ممكن تدخلى فى ايه
السلام عليكم

radwa said...

وعليكم السلام ورحمة الله وبركاته
نورتى المدونه يا بنات افارك (:
الحمدلله انا بخير

........
بالنسبه للحملة
حضرتك ممكن تتواصلى معانا على ايميل بنات القاهره
كل المطلوب من حضرتك تجميع عدد من المصاحف اللى تقدرى عليه طبعا
وحضرتك نازله القاهره تجيبيهم واحنا هناخدهم منك
هناخد ازاى ؟؟
الاول هنكلمك ماسينجريا
وبعدها هنتفق هنتقابل ازاى عشان ناخدهم منك


جزاكى الله خير

جمعاوى said...

بداية مشوقه جدا


بس يعنى
هو أكيد يعنى العيب مش على الجدار

و لامؤاخذه

العتب ع ......كملى حضرتك بقى

radwa said...

اخ جمعاوى
شاكوش من بتوع الحاره

كنت لابسه النضاره d:
مابمشيش من غيرها اساسا ولا بتحتح بدونها
نوهاااااااااااائى

يبقى العتب على الحائط
d:

Anonymous said...

عشان تعذره بتوع الملاكمة زى ما بيضربوه بينضربه برضه

radwa said...

ايد ده بقى ده بقى يا اخ وليد ؟؟
مالى ومال بتوع الملاكمه
شاكوووووووش

ده كان صراع على بسيط مابينى وبين الحيطه
d:

امنية said...

هبقى اقولك التعليق بينى وبينك
:D

المهم طمنينى
الحيطه حصلها حاجه
:P

ا بـن عــمــر said...

ايه الجمال دا
هو انتي ممعكيش فرامل
ولا يهمك
بكره .......



يريت

Sha2loob said...

هو ايه العلاقة بين الانسان والحيطة؟
سؤال غريب مش كده
بس أنا عرفت ناس كتير كان ليها علاقات غريبة مع حيطان بيوتهم
عندك أنا مثلاً وأنا صغير كنت بحب أخبط دماغي في الحيط بالمعنى الحرفي للجملة
تلاقيني كده واقف وهادي وفجأه يهفني الشوق تلاقيني بخبط في دماغي الحيط
طك طك طك طك
كأني ماسك بذرة منجاية وعايز أفتحها علشان أعرف جواها ايه
وغيره وغيره
المهم, خلي بالك المرة الجاية, والا الحيطة هيحصلها حاجة
ومتبقيش تمشي من غير النضارة تاني

radwa said...

اغنيه ..قصدي امنيه
تعليقك وصل من غير ماتقولى
شاكوووووووووش

الحيطه بخير الحمدلله
انا اللى اتأذيت
انتى نسيتى ولا ايه ؟؟

d:

radwa said...

الاخ ابن عمر
الفرامل كانت سايبه ساعتها
استعجال بقى عشان الحق البنت على التليفون

مافهمتش النقط d:

radwa said...

اخ شقلوب
يعنى مش انا لوحدى اللى ليا مواقف مع الحيطان d:

حكاية خبط الدماغ فى الحيطه دى تخصص صاحبتى بس لما تكون عندهاصداع
D:

كنت لابسه النضاره على فكره
بس الدنيا هى اللى كانت ضلمه
D:

asmaa said...

رضوى حبيبتى
الف سلامه عليكى
ابقى خد بالك يا جميل

على فكره الخبر نزل فى الجرايد
رضوى والحيطه
تصادمت الاخت رضوى بالحائط اللعين
وقد قام هذا الحائط بجريمه شنعاء
تورم يدها الرقيقه
اه منك يا حائط
سوف نعاقبك اشد عقاب
وسنتركك فى الظلام لمده عام
حتى لا تورم يد الرقيقه رضوى مره اخرى

كنا معكم من جريده ما وراء الحيطان

رضوى بحبك فى الله جدااااااااااا

ياسر سليم said...

السلام عليكم ورحمة الله وبركاتة

كل عام وانت بخير

غفر الله لنا ولك فى رمضان

و ثبتنا على الخير بعد رمضان

radwa said...

الله يسلمك يا اسما

ايه ده ؟؟
الخبر نزل امتى ؟؟
ماقرتهوش

ههههه
اضحكتينى جدا يا سمسمه
حلو اسم جريده ما وراء الحيطان
ينفع اسم جريده واقعيه
D:

احبك الذى احببتينى فيه
كل سنه وانتى طيبه
رمضان كريم

radwa said...

اخ ياسر
وعليكم السلام ورحمة الله وبركاته
كل عام وحضرتك بخير
تقبل الله صيامكم وقيامكم بأذن الله

حمدالله على السلامه

Mohamed Abdelgeleel said...

واااااااااااااااو في اختراع اسمة نظارة بس علي العموم الحمد لله انها جت علي قد كدا

امنية said...

ما وراء الحيطان"

:D
ربنا يسعد ايامك يا سمسم ضحكتينى والله..

radwa said...

اخ محمد
كنت لابسه النضاره
الدنيا اللى كانت ضلمه
d:
كل سنه وحضرتك طيب



امنيه
........
d:

Ahmed Mohamed said...

ذهبت مسرعة الي الحجره وكانت مظلمه


بعدها قلت واستعديت اني هقراء قصة رعب
واحس ان الليله دي مش هتعدي ان شاء الله
وكل شويه هابص ورايامن شدة الخوف
والترقب
وومكن الاقي الدم طالع من الكيبورد
وايده لازقه في الموس والكيبورد وفي ناس غريبه خارجالي من الشاشه
وماسكه منشار ولا سكينه وشكلها مكلتش من تسعين سنه

احسن احسن

radwa said...

ههههههه
كده اتقلبت فيلم رعب
D:

نورت المدونه يا اخ احمد