Monday, August 6, 2007

دى لاباظت ولا خربت

السلام عليكم ورحمة الله

تتر لمسلسل مش فاكره اسمه ايه كان بيقول

دى لا باظت ولا خربت ..ولا جابت جاز لاموأخذه..دى عيشة ظريفة جدا
ولا بيتنا اتخرب ..ولا حد بيشتكى لحظه ..ماشية والقاشيه معدن
عايشين بحريه زمن القيود اختفى اتحدى لو واحد يوم انضرب بالقفا
والناس بتختشى ولا حد بيرتشي...الله على الحياة بقى لونها شفتشي
ده احنا لا صوتنا اتنبح ولا فى مالطه بندن

ده الجزء الاولانى
دى لا باظت ولا خربت :هى فعلا كل حاجه سليمة وماشية تمام التمام
مافيش بوظان ولا خراب فى البلد ولا اى شئ
ولا جابت جاز : الناس ماتعبوش وماجبوش جاز لسه هما يادوب بس فرفروا
دى عيشه ظريفة جدا: عيشة حلوة وفل الفل الحمدلله
ولا حد بيشتكى لحظه:الناس عايشة تمام التمام هيشتكوا من ايه يعنى
يستاهلوا الحرق لو اشتكوا
ماشية والقاشية معدن : ماعندناش بطاله ..ماعندناش عماله زايده ومش عارفين نوظفها ..ماعندناش كم الف خريج كل سنه مش لاقى شغل وبيقعد على القهوه او على الرصيف او فى الاخر يسرح بعربية فول او ايس كريم ..والقاشية معدن
عايشين بحرية : ونعم الحرية بنقول اللى عايزينه مع اى حد وفى اى وقت ..الاخوان عايشين فى امان
بيعملوا لقائتهم واجتماعاتهم بمنتهى الحرية
زمن القيود اختفى :حد يدورنا عليه يشوفو راح فين
اتحدى لو واحد يوم انضرب بالقفا :ماحدش بينضرب بالقفا اطلاقا..حتى المساجين فى ابو غريب وغيره
ولا بينضربوا ولا بيتهانوا ..عيشة زى الفل
الناس بتختشى : الحياء مالى الناس ومعمر قلوبهم ..بدليل بنات اليومين دول ماشاء الله عليهم
كلهم حياء وخجل
ولا حد بيرتشى : الرشاوى مش نازله على ودنه ولا غيره
حتى الرشاوى البسيطة اللى بتندفع للموظفين عشان يقضوا مصالح البشر مابقتش موجوده
اختفت تمااااااااااااما
الله على الحياة بقى لونها شفتشى : لون جديد ماحدش شافه قبل كده
وادينا بنشوفه وعايشين بيه

الجزء التانى
متأمنين من الفقر الضنك ..تعليم علاج ..وحساب بالنك
شقق مرمية ..والشغل فى كل حتة ..واللحمة بسبعة جنيه ..وساعات نلاقيها بسته
والكل منتعش والكل منتشى ..الله على الحياه بقى لونها شفتشى
ده احنا لاصوتنا اتنبح ولا فى مالطه بندن

متأمنين من الفقر الضنك: مافيش حد الحمدلله مرتبه (لو حكومى) اقل من ميه واربعين جنيه
يعملوا كتير الميه واربعين فى وقتنا الحالى
تعليم علاج وحساب بالبنك: احسن تعليم ولا مستوى متندى ولا حاجه خالص
العلاج مجانى للفقرا والمحتاجين ..الدكاترة بيراعوا النقطة دى .. ماتلاقيش حد محتاج علاج ومش لاقى
ماتلاقيش حد محتاج يعمل عملية ومش قادر على مصاريفها ..
وكل واحد تلاقى عنده حساب فى البنك يكفيه 3 ايام قدام ..كفاية هنطمع؟؟
شقق مرميه: مش لاقية حد يسكنها ..ماهو طبيعى يعنى مش هتلاقى حد يقدر يدفع ايجارها
الشغل فى كل حتة : خدعوك فقالوا ..الشغل كتير بس انت دور
اللحمة بسبعة جنية وساعات تلاقيها بسته: اكيد اكيد من اللحمة اياها ..ال ستة ال
والكل منتعش: ايوة الكل بينتعش تحت دش المية الساقعه
الله على الحياة بقى لونها شفتشى : نفس اللون رجع تانى ..بكره هيبقى فحلوقى

لنا الله

26 comments:

Sha2loob said...

الأغنية غناء مدحت صالح وكلمات عمنا نجم والمسلسل هو سيرة الهلالي بطولة الدكتور الفخراني وتأليف يوسف معاطي.
خلصنا حصة الجغرافيا؟ نعلق بأى
بصراحة كده تفسيرك لمعاني المفردات والتراكيب موضوعي وهادف وبناء بس عندك غلطة واحده
الكل منتعش: بأة فيه حد لاقي مية ساقعة ولا لاقي مية أصلاً علشان يستحمى دي كلها كام يوم وريحة ال..تاريخ تطلع من البلد
عايزين بقى الجماليات في النص علشان المنهج يخلص ةلا هندخل الامتحان كده يعني.

radwa said...

حلوة حصة الجغرافيا دى ..مع انى طول عمرى بكره الماده دى d:
بالنسبه للكل المنتعش ...واضح انك حضرتك ماشيبتش من نييهاd:
اوماى النيي ده بيعمي ايه ؟؟
اترجم ولا ؟؟
طلعوا انتوا الجماليات اللى فى النص هو كل حاجه كده على المدرس على طول
ابذلوا شوية جهد d:
النجاح مش بلاش مع انه دلوقتى بقى مجانا

ياسر سليم said...

اشحال اذا كانت المدونة بتاعتك اسمها خليك فى حالك

كنتى هتقولى ايه تانى


خليكِ فى حالك ..

radwa said...

ههههههههههههههههه
كنت هقول كتييييييييير
بس قلت عشان خاطر الاسم بس مش هنطق ومش هفتح بقى خاااااالص
وبعدين هو انا هو انا كده قلت حاجه
D:

مـحـمـد مـفـيـد said...

بجد تحفه
كانت غايبه المدونه دي عني فين

تحياتي

radwa said...

احم
اخجلتمونا يا فندم
جزيت خيرا (:

امنية said...

:D:D
قولتى اللى فى نفسى

radwa said...

d:
يارب دايما
قولى لى بس عاوزه تقولى وانا اقولهولك

! Eslam ! said...

ما هى باظت وخربت يا رضوى

اقول اكتر من كدة

انا كدة قولت اللى فى نفسى :d

radwa said...

هى باظت وخربت بعقل؟؟
دى باظت وشبعت بوظان
وخربت لما ماتت من الخراب
اما نشوف اخرتها ايه ؟؟
واخرت صوتنا اللى اتنبح

لنا الله

khaled adel said...

معلش تعليق صغير بس هي مش ولا بيتنا اتخرب
هي ولا فتنة اتضربت
بس التعليق على الكلمات حلو جداً

radwa said...

احم
انا بسمعها ولا بيتنا اتخرب
d:

دمتم بود

هاني جابر said...

السلام عليكم ورحمة الله
علي فكره الاغنية جميلة جدا
وفعلا لا هي باظت ولا خربت ديه اتنيلت واتزفتت
اكتر واكتر
وربنا يستر

جنـه said...

هي باظت وخربت وجابت جاز

عشان كده غلوا الجاز

:)

radwa said...

الاخ هانى جابر
............
وعليكم السلام ورحمة الله وبركاته
هى فعلا اتنيلت واتزفتت وبزياده
لنا الله

........

الاخت جنه
......
المفروض الناس تشد حيلها شوية
عشان مايستخدموش جاز كتير
ويرجعوا يرخصوه
d:

ahmed mefrh said...

ميه ميه لامواخذه
و اعجبنى رد شقلوب كثيرا
شكرا على البوست
تحياتى
ابو مفراح

radwa said...

الاخ الاكرم ابو مفراح
بووووركتم

ياسر سليم said...

العريان وراء القضبان

شاركنا فى حملة التضامن مع الدكتور عصام العريان

على مدونتى

radwa said...

سمعت الخبر للأسف
حسبنا الله فيهم

جمعاوى said...

أحسن حاجة ف البوست كله

تعلقك على الكلمات بصاحة

و الحمد لله
إن انا ماسمعت التتر ده

radwa said...

ليه يا اخ جمعاوى ؟؟
ياريت تسمعه
انا لما بسمعه بفطس من الضحك
d:

Sha2loob said...

أنا آسف يا رضوى
المعلومات اللي اديتهالك كان نصها غلط
المسلسل اسمه سكة الهلالي مش سيرة الهلالي عرفت الغلطة دي لأنه بيتعرض دلوقتي
الأنية تأليف أيمن بهجت قمر, عرفت المعلومة دي من مدونة طيارة ورق لصاحبتها حلم
معلش يا رضوى كمان مرة شكلي كده فاشل في الجغرافيا

radwa said...

كده كنا هنسقط فى امتحان الجغرافيا يا اخ شلقوب
{01}

بس بام ان كل شئ بقى كوسه فأكيد هننجح

d:

hatem osama said...

والله تمام يا زعيم
مجهود رائع
وارجوا مراسلتى على المدونة

radwa said...

جزاك الله خيرا يا اخ حاتم

بس مين الزعيم دي ؟؟

:D

Anonymous said...

أردت فقط أن أدلي بتعليق سريع لأقول أنا سعيد لاني وجدت بلوق الخاص بك. شكرا