منك يا جهازي ..اتخنقت ومليت

سلام عليكم ورحمة الله

اتخنقت من الكمبيوتر فعلا

جبت اخري منه

المشكله مش فيه...

المشكله فى الفيروس اللى كل شويه يهجم عليه

ومايجينيش غير تروجان

يبوظلى الماسينجر ويطيرهولى

ومايشتغلش تانى خالص...

اعمل سكان واموت التروجان...

واقول هيشتغل...

ابدا..

طيب اعمل ريموف للماسينجر وانزله تانى

بردو ابدا ..

حالف مايشتغل..

كل فتره لازم يجيبلى العصبي

مابعرفش اقعد من غير ماسينجر يا ناس ..

مايرضاش يشتغل غير بنسخة ويندوز جديده

يووووووووووووه

هو انا كل اسوبعين تلاته هنزلي نسخه جديده ؟؟

ايه الذل ده ؟؟

بضطر فى حالات الطوارئ

ادخل من سايت خنيييييييييييييق لماسينجر الياهوو

بيخنقنى جدددددددددددددا

لكن مجبر اخاك لا بطل ....

زهقت فعلا من الجهاز العجيب ده ..!

واللى يغيظ اكتر التروجان اللى كل شويتين ينطلي عليه ..

لسه حالا اهوه عامله ريموف ومسطبه الماسينجر تانى...

وبردو بردو بردو..

ماشتغلش...

ومش هنزل نسخة ويندوز تاني..

وان شالله عنى مادخلت ماسينجر

ولا حتى شوفته...

مريض ...بس مالكش علاج عندنا ..!!!!!!

سلام عليكم
كل بوستاتى بقت واخده طابع كئيب ..

ايوة
مريض ومالوش دوا ..
سمعتوها دي قبل كده ؟؟
اديكو سمعتوها
بجد بجد من الحاجات اللى تغيظ وتفرس انه يبقى فى انسان مريض
ومحتاج للدوا ويقولوله لا ..مالكش دوا عندنا ..

الحكايه وما فيها .. من فتره طويله كنت بتابع مرضى فيرس سي ..
علاج الفيرس ده بيبقى حقنه تحت الجلد كل اسبوع لمده سنه كامله ..
ده غير الدوا التاني اللى بيجيبه كل اربع ايام ..والدوا غالى مش رخيص
المشكله مش فى الدوا ...

المشكله فى الحقن ..حقنه بألف وشويه
وواحد مريض مش قادر يجيبها عشان يتعالج ..
جاب جواب من احدى المعاهد الطبيه انه ياخد الحقن على نفقة الدوله
والحمدلله الحكايه نفعت ولمده 3 شهور متتاليين بياخد الحقن
وبيشتري هو الدوا ...

والاسم بيتعالج على نفقة الدوله ..
لا وكمان بيدفع جزء من مصاريف الحقن دي ..
تقريبا 10 % ده غير التحاليل اللى بتتعمل اول بأول ..

خلال الـ3 شهور دول كان كل فتره يروح يعمل تحليل بعيدا عن المعهد
يلاقى انه الحمدلله فى تحسن ملحوظ وواضح
ونسبة الفيرس بتقل من جسمه ..

بعد الـ3 شهور راح يعمل تحليل فى المعهد المذكور
لقى ان نسبة الفيروس عاليه جدا ..وانه بيتحسن ببطء
على عكس كلام التحاليل الاخرى ..

وقالوله فى المعهد فى غيرك اولى ..وممكن يتحسن اسرع منك
كده علاجك عندنا انتهى...نسبة شفائك لم تصل للنسبه المسموح بها
حتى تتم علاجك على نفقة الدوله ...

عمل تحاليل تانيه فى معمل اخر ..نسبه الفيروس طلعت فيها
اقل بكتير جدا جدا جدا عن المذكورة فى تحاليل المعهد

ولازال فى صراع مع المعهد ونتايج التحاليل..
واخر ماتوصل اليه انه يروح معمل تحاليل اخر
ويقارن النتايج ..وايهما ادق واصح ..

اللى غايظنى بجد بجد
ازاى واحد مريض مش قادر يدفع تكاليف علاجه
وفى امكانيه ان الدوله تعالجه على نفقتها
بين لحظه والتانيه يقولوا لا مالكش علاج ؟؟
نسبة الفيرس بتقل ببطء ..؟؟!!!!!!!!!!!!!
على الرغم ان التحاليل الاخرى اثبتت عكس ذلك ..
ويعنى ايه اصلا النسبه بتقل ببطء وغيره اولى ..؟

لا وكمان النظام عندنا كده ..
نظام ؟؟
نظام ايه ده اللى يمنع شخص انه يكمل علاجه بأى حال من الاحوال ؟؟

هو مش الفروض بردو اى حد مايقدرش يعالج نفسه بيتعالج على نفقة الدوله ؟؟
ايا كانت نسبة تأثير العلاج ..المهم انه يتعالج ..ولو على مدار حياته كلها..
ايه المشكله فى كده ؟؟

المشكله ان شاب فى عمر الزهو
عاوز يعيش حياته ويتزوج ويسافر ..
كل ده ممنوع منه ..

ازاى بجد ...
لما فكرت فيها .. وفى كلمة غيره اولى ..
فكرت فى مين ممكن يكون غيره ده ؟؟

حد تبعهم مثلا وهياخد العلاج بأسم الشخص ده ؟؟

طب ليه وقفوا علاجه ؟؟

علامات استفهام كتيره فى الموضوع ده ..

ومش لاقيالها اجابات وتفسير..

لا والله كتر خيرهم ..
عالجوه 3 شهور
وسابوه فى ربع السكه

واللى يغيظ بزياده بقى
انهم بيقولوا اوقف العلاج وتعالى كمان 3 شهور وممكن نجددهولك

ياسبحان الله
مش عارفه بجد ..هما مايعرفوش انه لما يقعد 3 شهور من غير علاج
نسبة الفيروس تزيد فى الجسم ؟؟

حقيقي مش عارفه ..

لا املك سوا الدعاء لهم
والدعاء عليهم ..

وسلملي على النظام...
...

ايه اللى ممكن يحصل ؟؟

سلام عليكم

اولا عذرا انى ماردتش على الردود فى البوست السابق
):

صراحة ماليش نفس ادخل المدونه
وماليش نفس اكتب فيها حتى

ومن هنا كان السؤال
تفتكروا ايه اللى ممكن يحصل لو قفلت المدونة خالص ومسحتها
ومش بقى ليها وجود ؟؟

ماعادتش فى كلام يتقال لا من قريب ولا من بعيد
ولا الواحد اصلا بقى له نفس يكتب ويبعبر عن اى شئ ..

بفكر بقالى شويه صغيرين
ايه اللى هيحصل لو مسحت المدونه ؟؟
ايه اللى هيحصل؟؟
ايه اللى هيحصل؟؟
مش لاقيت اجابه ...

اعتقد مش هيحصل حاجه
انا هفضل انا
الناس هيفضلوا هما الناس
اللى بيدونوا هيستمروا فى التدوين
ومش بعيد الاقيهم عملوا زيي
:ker:

ممممممممممممممممممم
اعتقد يعنى الكون مش هيقف
لو شيلتها من على النت
وشيلت الـ DSL كمان
:D

ولا ايه ؟؟؟؟؟؟؟؟.....

2008 ...بوادر

سلام عليكم ورحمة الله وبركاته
ابتداءا من النصف الثاني من شهر يناير لهذا العام
بدأت بوادر 2008 فى الظهور
ففي يوم 15 يناير 2008 ..حدثت مجزره فى غزة
نتج عنها ضحايا كثر ..ومن ضمنهم الشهيد حسام الزهار
لم ارغب فى وضع صورته هنا ..فكلنا رأيناها وتألمنا
تلك الصورة تكفي....

هذا هو دكتور الزهار ..جاء ليودع ابنه الشهيد ...
فكان الله فى عونه ...


ومنذ يومين ..واثناء حصار غزة ..حاول قاطنيها اللجؤ الى معبر رفح
حيث تم قطع الكهرباء عنهم ...وساد غزة الظلام ..
وعمت مياه الصرف الصحى المنطقه بأكملها
فلم يجد اهل غزة غير معبر رفح واللجوء اليه ...
ولكن لم يسمع ندائهم وإستغاثتهم احد ...
وكان هذا هو حالهم ...

فعار علينا نحن المسلمون العرب ..ان نتركهم بحالهم هذا
ونغلق ابوابنا فى وجوههم ونترككهم..
نتركهم يموتون جوعا وقهرا وظلما ..
نتركهم فى ظلامهم ...وقلة حيلتهم ..
فحسبنا الله فيمن كان السبب ...
وبعد انقطاع الكهرباء عن المنطقه ...عادت الكهرباء لكن بصورة جزئيه
على ما اتذكر اعادوها لمده ساعتين يوميا ..
فحسبنا الله في اعداء المسلمين...



ولكن ..فقد استطاع اليوم شعب غزة عبور بوابة رفح بالقوة
البوابه التى كانت ستؤدي بحياة الكثير من اهل غزة
البوابه التى اغلقناها امامهم وهى منفذهم الوحيد للهرب من الظلام وقلة الماء
وفى تلك الاثناء لم تهتم قوات حرس الحدود المصريه ولم تمنعهم من العبور
فأين كان هذا التصرف من قبل .؟؟؟
ولما كان الانتظار ؟؟
هل انتظروا اتخاذ الاوامر من احد ؟؟
ام ان كل شئ اصبح الان بالقوة ..؟

وفى خلال تلك الاحداث والمظاهرات..تم اعتقال الكثير والكثير
حيث وصل عدد المعتقلين الى 2000 معتقل ..
فلماذا اعتقلوهم ؟؟
وماذا ارتكبوا من جرم ليعتقلوا؟؟؟
هل فقط لتظارهم من اجل شعب غزة ورفضهم للحصار؟؟



وبالرغم مما قدم لأهل غزة بعد اقتحامهم للمعبر
لكن هذا والله لايكفي فهو قليل جدا ..واقل من المطلوب
فلكم الله يا اهل غزة..
ولتعلموا ان نصر الله قريب ..نصر الله قريب ...

....................

حينما قالها..!!!

اليوم ..وانا مع صديقاتى المقربات الى ..كنا نتحدث ونضحك ..وعلت ضحكاتنا ..
كنا فى قمة السعادة فى هذا اليوم ..لكن شعرت بشيئا ينقصني ..لم تكتمل سعادتى..
ظللنا نتحدث ونضحك طويلا ..حتى قطع صوت ضحكاتنا رنين هاتفي ..
نظرت فوجدت رقما اعرفه جيدا ..واحفظه عن ظهر قلب ..لكن لم يعد له مكان بهاتفي
تذكرت ذلك القلب الاحمر الذي اهدانييه فى يوم ميلادي ..
تذكرت اول لقاء لنا ..وكيف كان اللقاء ..؟
تذكرت مدى سعادتي فى هذا اليوم ..وكم كان اجمل يوم بعمري..
تذكرت كم كنت احب قلبا ربما به بعض الجمود ..لكنه قلب يحمل طيبه جميلة ..
تذكرت الكثير والكثير ..
لكن تذكرت ايضا فراقنا طيلة شهر كامل ..ولم يفكر ان يسأل عني ..
تذكرت ايضا تلك المشكلة التى كانت السبب في ذلك ..
تذكرت قسوة قلبه وجموده ..فلم يكن يحمل بداخله قلبا مثل البشر..
بل كان بداخله حجر اصم لا يتكلم ..وربما لا يشعر ايضا ..
تذكرت ذلك اليوم الذي وعدني فيه بمقابلتى ولم يأتي..
تذكرت اهماله لي فترات طويلة دون اى سؤال عني ..
تذكرت حججه واسبابه الواهيه التى لا تدخل عقل بشر ..
تذكرت كم كان عمله اهم من السؤال عني ..
تذكرت يوم ان طلب مني الفراق دون ان ينطق بكلمة واحده ..
كل هذا تذكرته فى لحظات ..
حتى افقت على صوت هاتفي مرة اخرى نفس الرقم الذي اعرفه ..
لم اعرف كيف اتصرف فى تلك اللحظه؟؟
لكني حملت هاتفي وذهبت بعيدا عن صديقاتي ..
كان قلبي ينبض بشدة ..شعرت انه سيتوقف فجأه من هذا النبض السريع
رددت عليه ..اول ماقاله لي ..
أحبك ..
كم انتظرت تلك الكلمة طويلا ..
لم اسمعها طيلة فترة خطبتنا التى استمرت مايقرب من عام ..
لكنني لم اشعر بسعادة بعد سماعها ..
فرددت قائله ...تأخرت كثيرا جدا تلك الكلمه لم يعد لها مكان بداخلى...
فقد جئت بعد فوات الاوان .. لم اعطه الفرصه فى ان ينطق بحرف ...
فحينما قالها .. كانت قد تمت خطبتي
هكذا قلت له ...ولكن هذا لم يحدث فعليا ...
اغلقت الهاتف وعدت الى صديقاتى مرة اخرى ..
شعرت بسعادة غامره بعد تلك الكلمات التى قد تنم عن قسوة قلب
لكنها ليست بكذلك ..فهي ان دلت فتدل على قلب مجروح ..
قلب شعر بالأهانه من اقرب الاشخاص اليه ...
بعد تلك الكلمات شعرت بإستعادة جزء من كرامتي المهدره ...
فالأنسان لا يتحمل ان تهان كرامته طويلا ...


اغلقت تلك الاجنده التى تحمل بين صفحاتها ايام جميلة واخرى مؤلمه
ووضعتها مكانها فى مكتبتى الصغيره ...
وذهبت للنوم ..مره اخرى ...
فلم اعرف ما سبب تذكري لتلك الاحداث ؟..
فقد نسيتها وشعرت ان ماحدث لم يعد له اثرا داخلى ..
ربما لم تكن الحقيقة كذلك ؟!..لا اعلم ..
ولكن ما اعلمه الان انني اود ان استغرق فى النوم كثيرا ..
بعد يوم عمل شاق ومرهق جدا ..ذهبت الى سريري مرة اخرى...
رن هاتفي ..نظرت اليه ..تعجبت..!! اغلقت هاتفي ..
وذهبت فى نوم عميـــــــــــق ...


14 _ 1_2008

وليـــــــــــدة اللحظه
:D