سلام عليكم
كل سنه وانتم جميعا بخير
اول يوم رمضان عدى خلاص
رمضان السنه دى غير اى رمضان بالنسبه لى
متغير تماما
بقالى كم سنه مش بحس بفرحة رمضان
مش بحس ان رمضان داخل علينا خلاص
السنه دى بقى
كنت فرحانه جدا بقدوم الشهر الكريم
احساس غريب انتابنى لما عرفت ان النهارده
اول يوم رمضان
مش عارفه اوصف الاحساس ده ايه بالظبط
كنت فرحانه جدددددددا
وفى نفس كنت عاوزه ابكى بشده
مشاعر الى حد ما مختلطه
نفسى يكون رمضان السنه دى مختلف غير كل سنه
نفسى اخرج منه خاليه من الذنوب والمعاصى
نفسى اعمل حاجات كتير اوى
ربنا يقدرنى واعملها ان شاء الله
نفسى استغل كل دقيقه فى رمضان فى طاعه وعمل خير
بلاش رمضان يضيع من ايدينا زى كل سنه
نحاول نتغير مع رمضان
رمضانا جانا عشان ياخد بأيدينا
جانا عشان يقولنا قربوا من ربنا
جانا بيقول لنا الخير معايا
جانا بيقول لنا الله كريم رؤووف رحيم
جانا عشان نبتعد عن المعاصى اللى بنعملها
جانا يقول لنا كفانا ذنوب
اللهم اجعلنا من عتقاء هذا الشهر الكريم
اللهم تقبل منا صيامنا وقيامنا ودعائنا
اللهم اعف عنا واغفر لنا وارحمنا
انت مولانا فأنصرنا على القوم الظالمين
اللهم امين امين امين
كل عام وانتم جميعا بخير
والى الله دائما اقرب وعن المعاصى ابعد
رمضان كريم
