صلى عليك الله يا سيد الاكوان

الاختلاف في الفكر ... يفسد للود مليون قضية وقضية

سلام عليكم ورحمة الله وبركاته 

بعد ان تراجعت كثيرا لكتابة هذا البوست 

قررت اليوم ان ابدي مافي جعبتي 

حتى لا اصاب بالشلل 

الاختلاف بين الافراد وارد

واساسي ان يحدث 

ومقبول 

فقد اختلف مع اخوتي في الرأي 

قد اختلف مع اصدقائي 

قد يختلف رأيي في مقال على الانترنت 

مع الاخرين 

الاختلاف شئ مقبول 

ولا نرفضه ابدا ابدا 

ولكن المرفوض ان تفرض علي رأيك 

قد ارى انا مقالا من زاوية 

ويراه اخر من زاوية اخرى 

ينشا بيننا اختلاف 

وتعارض في وجهات النظر 

ولكن نظل اخوة 

دون ان يفرض اي منا رأيه على الاخر

دون حدوث خلاف بينهما 

دون ان يحمل كل منهم للاخر بغيضه وكراهيية

ولكن 

الجديد الذي يحدث هذه الايام
على صفحات الشبكة العنكبوتية
(اللي بسببها هيجينى شلل في سنتي)

اعتناق احدهم لفكر ديني 

والاخر يعتنق فكرا مخالف 

لا احبذ ان اقول على انه مخالف 

ولكن الاول قد يراه هكذا 

طالما فكرا غير فكره

فهو مخالف له 

على الرغم من ان الديانة واحدة 

ولكن الاختلاف على امور اختلف فيها العلماء 

فيبدأ كل فرد منهم بتوضيح وجهة نظره 

وتوضيح فكرة 

قد يتقبله الاخر ويقتنع به 

وقد لا يتقبله  ولا يقتنع به 

فهو له فكره المعتنق

ولكن ... قد نرى احدهم 

يفرض رأيه على الاخر 

ويعارضه بشده 

ويحاول جاهدا ان يقنعه بفكره

وينشأ بينهم خلاف 

وتنشأ بينهم كراهية

!!!!!!!!!!!!!!

لماذا ؟؟
فمثلا 

النقاب 

امر مختلف فيه بين العلماء 

فمنهم من يرى انه فرض 

ومنهم من يرى انه عادة ما عادات الجاهلية وليس من الاسلام 

احداهن اتبعت الفكر الاول 

والاخرى الثاني 

كل منهن حاولت اقناع الاخرى

بأسلوب مهذب ... وبأدلة 

ولكن بلا جدوى

 فكلن منهن مقتنعة بفكرها 

اذن لا بأس 

فالننفض 

ونوقف النقاش 

ونظل اصدقاء 

ولكن من زاوية اخرى 

نرى اثنتان 

بتناقشان ويتحدثان وتقنع كل منهن بان النقاب فرض 

او من عادات الجاهلية 

ويشتد النقاش بينهم ويحدت 

وتحاول كل واحدة منهن اثبات انها الاصح 

وانها الاصدق 

وان فكرها هو الذي يجب ان يُتبع 

وتتهم كل منهن الاخرى بإتهامات 

ويحتد النقاش اكثر فأكثر 

حتى ينفضا 

وهما يحملان في قلبيهما 

ضغينة وبغضاء 

كل للاخرى 

لماذا؟؟؟؟

انتِ تري انكِ على صواب 

والاخرى ايضا ترى انها على صواب 

ولم تقتنع احداكن بفكر الاخرى

اذن فلتنفضوا 

وتدعوا كل منكن وشأنها

فقد عرضتم وجهة نظركن وفكركن

وقد حاولتم اقناع الاخر به 

ولكن لم تقتنع 

اذن فلا بأس

فقد اديت ماعليك امام الله 

ولن يحاسبك على عدم اقتناع الاخر 

ومن الاساس الاختلاف على امور مختلف فيها 

بين العلماء

فأنت حتما لن تحاسب امام الله

وهكذا في امور عدة

فقد يختلف اثنان على احد علماء الدين 

وكل منهم يرى انا العالم الذي يتبعه هو الصواب

وقد يختلف اثنان على مدى حرمانية الموسيقى من عدمها 

وقد يكون الاختلاف على زوج بنت عمة خالة زوج بنتي

وهكذا دواليك

.. 

يجب اولا قبل انت نختلف

ان نتعلم ادب الاختلاف 

يجب ان نعلم ان الاخر مهما حاولنا معه 

في اقناعه بفكرنا 

فلن يقتنع مرة واحدة

ولن يقتنع بأسلوب الفرض 

وان اقتنع قد لا يظهر ذلك في بادئ الامر 

وقد يكابر 

وقد يرفض هذا الفكر 

نتيجه لانه رأى تصرف سئ من معتنق لهذا الفكر 

كل منا له عقل يفكر ويتدبر به 

اذن فكل شخص 

يعرض فكره ووجهة نظره 

بهدوء تام وبأدب

بأدلته وبراهينه 

وكل منا كيفما يوجهه عقله 

طالما فكره هذا لن يخرجه عن ملة الاسلام 

فالننفض في هدوء 

دون ان يكون بيننا كراهية ..

.

 .

ومايزيد من غيظي اكثر 

اننا نترك كل شئ 

كل كل شئ 

ولم يبقى امامنا شيئا نفعله 

سوى ان نختلف 

ولم نرى ان هناك ماهو اهم من الاختلاف 

وفرض الرأي
.
.

سبحان الله المدبر لكل شئ

سبحانك ربنا 

الواحد بيقعد ساعات اما بيتعزم على مناسبة

وتكون مناسبة مهمة بالنسبه له 

فرح حد عزيز عليه 

عيد ميلاد

سبوع مثلا بنت اخته 

اوي مناسبة ليها اهمية عنده

يقعد يتخيل شكل اليوم هيكون ازاي ؟

يقعد يفكر هيروح ازاي ؟

هيلبس ايه ؟

هيروح مع مين ؟

هيقابل مين في المناسبة دي ؟

وأي حد يحتاجه في اليوم ده 

يقوله لاااا انا اسف 

اليوم ده محجوز 

ويقعد قبلها بأسبوع 

يجهز نفسه للمناسبة دي 

لحد اما يجي يوم المناسبة 

وهوب 

مرة واحدة 

وبلا اي مقدمات 

يلاقي مثلا اللبس اللى مجهزة 

بنطلونه ناقصه زرار 

تلاقي طرحتها منتوشة مش هينفع تنزل بيها 

المكوة تلسع الهدوم وهي بتتكوي 

نضطر نغير خططنا للي هنلبسه 

نكون مثلا مجهزين العربية 

ومره واحده نلاقي العجلة نايمه 

نلاقي البطاريه فيها حاجه 

العربية تتعطل 

شكرا 

نضطر نروح مواصلات

والادهى بئى 

انك اصلا ماتروحش المناسبة دي 

او تحصل حاجة تعطلك

او العربية تعملها معاك في نص الطريق

تضطر تقطرها 

او تستنى بئى لحد ماحد ينجدك 

اوتلف وترجع تاني على بيتك

ويسلام بئى لو تلبس وتنزل 

على انك رايح المناسبة دي 

او المشوار ده 

تلاقيك روحت مكان تاني  خاااااالص

لا كان على البال ولا على الخاطر

ياصلاة النبي 

وهكذا 

في امور كتيرة ومشاوير كتيرة 

تخطط 

وترسم 

وتظبط امورك على حاجه 

تلاقي حصل حاجة معاكسة تماما

سبحان الله المدبر لكل شئ 

ممكن يكون مش ليك نصيب في المشوار ده 

ممكن يكون لو روحت المناسبة دي 

تتضايق مثلا 

او يجرى حاجه في المكان هناك 

وتتأذى انت 

ربنا بعدك عن المشوار ده 

نجاة ليك من شئ ما لا تدركه انت 

حاجة مستخبية عننا 

مانعرفهاش احنا 

والاهم من ده 

انك مش ليك نصيب في المشوار ده 

تخلصه في اليوم ده 

نصيب واقدار مقدرة 

سبحان الله المدبر بجد 

مهما خططنا 

ومهما عملنا حسابنا على حاجات 

في الاخر 

اللي عاوزه ربنا هو اللي بيكون 

ترتيبه هو وتخطيطه هو اللى بيكون 

قدره هو اللي بيكون 

سبحانك ربنا 

.

.

العاقلين مش بيشجعوا الكورة ... واحنا معاهم

سلام عليكم ورحمة الله وبركاته 

ماتش امبارح بتاع الاهلي والزمالك 

بغض النظر بئى عن الكورة 

وعن الرياضه 

والروح الرياضية 

والكلام اللى بنسمعه ده بس 

لكن مش بنشوفه بيطبق 

اكتر حاجة بتزعلني فعلا 

جمهور الفريقين 

وتعصبهم الشديد كل لفرقته 

وزعيئ 

وتهليل

وصويت 

والفاظ 

وشتايم 

كل ده عشان ايه ؟؟

هياخدوا ايه هما من تعصبهم ده؟؟

الاهلي كسب 

او الزمالك كسب 

الجمهور اخد ايه ؟؟

اخد بس ان صوته راح 

اخد انه وجع قلبه

استفادوا يه ؟؟

اللي زعلني اكتر 

ان صلاة العشاء اذنت 

والماتش شغال 

ماحدش اتحرك من مكانة 

وراح يصلي 

والمسجد بينه وبينهم خطوتين 

والصلاة مش هتاخد منهم ربع ساعة 

هو ايه الاهم ؟؟

الماتش ولا الصلاة ؟!!!!!!!!

زعلت جدا جدا والله 

ربنا بينادي عليكم 

وانتوا ولا انتوا هنا 

ومش بعيد من قبل ما الماتش مايبتدي 

كان كله قاعد منتظر 

وقاعد مستني الماتش بفارغ الصبر 

يعني اديت للماتش من وقتك الثمين الغالي 

ساعتين 

ومن قبلهم كمان 

مش قادر تدي للصلاة ربع ساعة ؟؟

مش قادر تضيع من الماتش ربع ساعة 

عشان تروح تقابل ربنا ؟؟

الواحد لما بتضيع من الصلاة 

بيأنب نفسه جدا 

وبيزعل منها جدا جدا 

ويقعد يقول لنفسه 

حرام عليكي 

ضيعتي الصلاة 

ضيعتي لقاءك مع ربنا 

وبيبئى زعلان جدا جدا والله 

سبحان الله بجد 

ساعات كتير بيبئى نفسي اصلي في المسجد 

بيبئى نفسي اقول لبابا خدني معاك وانت نازل تصلي 

الصلاة في المسجد غير خالص 

احساس مختلف عن الصلاة في البيت تماما 

ودول سبحان الله 

متاحه ليهم ينزلوا يصلوا في المسجد 

ويلحقوا الجماعة 

ومع ذلك بيضيعوها 

عجبا لهم بجد .. 

ربنا الهادي 

نرجع تاني للكورة 

انا مش بقول مايشجعوش 

او مايتفرجوش 

بس التشجيع عمره مايكون كده 

اتفرج وشجع وافرح لفريقك 

بس مش للدرجه دي 

المصيبة انهم عارفين 

لو فريقهم كسب او خسر 

هما مش كسبانين حاجه 

بالعكس هما خسرانين 

ولما تسمع الاذان 

روح صلي وتعالى كمل الماتش 

مش هيجرالك حاجه يعني 

ولا فريقك هيخسر 

لو سبت الماتش ربع ساعة؟؟

فعلا فعلا 

بكره الكورة 

بكرهها جدا جدا 

بسبب جمهورها 

وتعصبهم 

ربنا الهادي 

ربنا الهادي 

.

.

أذكار اليوم والليلة (1) أذكار الصباح والمساء

أذكار الصباح والمساء :

1- أية الكرسي ؛ من قالها حين صبح اجير من الجن حتى يمسي ؛ ومن قالها حين يمسي أجير من الجن حتى يصبح (مرة واحدة صباحا ومساءا) .

2- اعوذ بكلمات الله التامات من شر من خلق (حين يمسي ثلاث مرات ).

3- إذا أصبح أحدكم فليقل " اللهم بك اصبحنا وبك امسينا وبك نحيا وبك نموت وإليك النشور " وإذا أمسى فليقل " اللهم بك أمسينا وبك أصبحنا وبك نحيا وبك نموت وإليك المصير " (مرة واحدة صباحا ومساءا) .

4- دعاء سيد الإستغفار " اللهم انت ربي ؛ لا اله الا أنت ؛ خلقتني وانا عبدك ؛ وانا على عهدك ووعدك ما أستطعت ؛ أعوذ بك من شر ماصنعت ؛ أبوء لك بنعمتك علي ؛ وأبوء بذنبي ؛ فأغفر لي ؛ فإنه لا يغفر الذنوب الا أنت " من قالها موقنا بها حين يمسي فمات من ليلته دخل الجنة وكذلك حين يصبح ( مرة واحدة صباحا ومساءا) .

5- أصبحنا (أمسينا) على فطرة الاسلام وكلمة الاخلاص وعلى دين نبينا محمد صلى الله عليه وسلم وعلى ملة ابينا إبراهيم حنيفا مسلما وما كان من المشركين (مرة واحدة صباحا ومساءا ) .

6- قل إذا أصبحت وإذا أمسيت " الله عالم الغيب والشهادة فاطر السموات والأرض ؛ رب كل شئ ومليكه ؛ أشهد ان لا اله الا أنت ؛ أعوذ بك من شر الشيطان وشركه ؛ وأن أقترف على نفسي سوءا أو أجره إلى مسلم (مرة واحدة صباحا ومساءا) .

7- وصية رسول الله صلى الله عليه وسلم لفاطمة أن تقول إذا أصبحت وإذا أمست " يا حي ياقيوم برحمتك أستغيث ؛ أصلح لي شأنه كله ؛ ولا تكلني إلى نفسي طرفة عين " (مرة واحدة صباحا ومساءا).

8- أصبحنا (أمسينا) وأصبح الملك لله ؛ والحمدلله ؛ لا اله الا الله وحده لا شريك له ؛ له الملك وله الحمد وهو على كل شئ قدير ؛ رب اسألك خير مافي هذا اليوم ( هذه الليلة ) وخير مايعده (وخير مابعدها) ؛ وأعوذ بك من شر مافي هذا اليوم (هذه الليلة ) وشر مابعده (وشر مابعدها) ؛ رب أعوذ بك من الكسل وسوء الكبر ؛ رب أعوذ بك من عذاب في النار وعذاب في القبر (مرة واحدة صباحا ومساءا).

9- اللهم أني أسألك العافية في الدنيا والأخرة ؛ اللهم أني اسألك العفو والعافية في ديني ودنياي وأهلي ومالي ؛ اللهم أستر عوراتي وأمن روعاتي ؛ اللهم احفظني من بين يدي ومن خلفي وعن يمين وعن شمالي ومن فوقي ؛ وأعوذ بعظمتك ان أغتال من تحتى (مرة واحدة صباحا ومساءا) .

10- ما من عبد يقول صباح كل يوم ومساء كل ليلة " بسم الله الذي لا يضر مع اسمه شئ في الأرض ولا في السماء وهو السميع العليم ؛ لم يضره شئ " (ثلاث مرات صباحا ومساءا) .

11- اللهم عافني في بدني ؛ اللهم عافني سمعي ؛ اللهم عافني في بصري ؛ لا اله الا انت ؛ اللهم أني اعوذ بك من الكفر والفقر؛ وأعوذ بك من عذاب القبر ؛ لا اله الا أنت " (ثلاث مرات صباحا ومساءا) .

12- (قل هو الله أحد ) و ( المعوذتين ) ثلاث مرات حين تصبح وحين تمسي تكفيك كل شئ .

13- سبحان الله وبحمده عدد خلقه ورضا نفسه وزنة عرشه ومداد كلماته  (ثلاث مرات إذا أصبح).

14- الصلاة على رسول الله صلى الله عليه وسلم ؛ لقوله صلى الله عليه وسلم " من صلى علي حين يصبح عشرا وحين يمسي عشرا ؛ ادركته شفاعتي يوم القيامة " (10 مرات ).

15- من قال حين يصبح وحين يمسي ؛ سبحان الله وبحمده مائة مره لم يأت احدا يوم القيامة بأفضل مما جاء به الا أحد قال مثل ذلك او زاد عليه " (مائة مرة).