وآل ايه ...حقيبه الكترونيه !!

الحكايه ومافيها انه فى مره وانا فى الطريق مع واحده صاحبتي
وقفتنا واحده بتقولنا ممكن اخد من وقتكم دقيقه ؟؟
اتفضلي ياحجه عشر دقايق بحالهم مش دقيقه واحده
كانت من فريق استطلاع الرأي تقريبا وبتسأل عن امكانيه تبديل الشنطه المدرسيه
بالحقيبه الالكترونيه ..والحقيبه الالكترونيه لمن لا يعرفها عباره عن كمبيوتر صغير
ضد الكسر والصدمات وضد الميه ..ياحلاوة ياولاااد ايشي خيال يا ناس :ker:
المهم يعنى كانت بتسألنا هل ممكن اننا نبدل الشنطه المدرسيه التقيييييله اوي دي
بالحقيبه الالكترونيه الخفيفه خالص دي ؟؟ من باب يعنى تخفيف تقل الشنطه على التلاميذ
مع العلم انه تمن الحقيبه دي 1700 جنيه ..يابلاش ..

طب بالعقل كده ..فى كم مليون فى مصر يادوبك مش معاهم غير اللى يعيشهم
يادوبك بيصرفوا على تعليم اولادهم بالعافيه
ولو عنده طفلين تلاته ..هيقدر يجيب لكل واحد حقيبه الكترونيه ؟؟
حاجه زى الحقيبه دي مشئ هتتناسب مع كل الفئات
مش هتتناسب مع كل المدارس
كان من رأينا انه تتجرب فى المدارس الخاصه والتجريبيه واللغات
لكن مدارس حكوميه ..صعب جدا جدا
صعب تتطبق فيها حكاية الشنطه دي ..
لاسباب تانيه غير حكاية تكلفتها وانه مش كتير هيقدر على تمنها
زى مثلا انه الاطفال مش كلهم بيقدروا يتعاملوا مع الكمبيوتر
مش كلهم فراوده في استخدامه ..
فكان بردو من ضمن كلامنا مع البنت انه الاول يبقى فى حملة توعيه وتثقيفيه
ونعلم الاطفال استخدامات الكمبيوتر قبل مايتطبق النظام ده ..
من رأيي بصراحه ..يمكن هى فكره كويسه ..وممكن تتطبق
لكن صراحه ..شايفه انه هتفشل ..
بعض الناس اصلا مش بيبقى معاهم تمن الكتاب والورق
هيقدروا على حقيبه الكتروينه ؟؟
(وش متغاظ)

اللى يغيظ بقى ..
انه احنا بنيجي عند التافهه ونتصدر ..
يعنى كوووول مشاكل التعليم اتحلت ومش فاضل بس غير ان الشنطه تقيله
وعاوزين نخففها على التلاميذ ونبدلها بالحقيبه الالكترونيه دي ؟؟
ولو حتى الهدف من كده مواكبة العصر والتطورات ونبقى شبه الدول المتقدمه
طب ماهو فى حاجات تانيه اولى ..حاجات تانيه لازم نديها اهتمام اكتر
مش جايين تقولولي حقيبه الكترونيه بدل الشنطه المدرسيه ..
(وش هيفرقع من الغيظ)

انا مش ضد الحكايه دي ..بس بردو مش معاها
لانه ده مش وقتها ..فى حاجات تانيه اهم كتير ..
نشوف الاهم والاولى وبعدين المهم
يعني مثلا نشغل الافراد العاطلين
ونرفع مستوى دخلهم
وبالتالى مش هتبقى عندهم مشكله انهم يجيبوا حقيبه واتنين وسبعه لاولادهم
لكن ماجيش فى دوله مستوى دخل الفرد فيها ولا حاجه
واقولها استخدمي حقيبه الكترونيه ..

ولا ايه ؟؟؟؟
.....

مر عام ..فهل سنستمر...؟

سلام عليكم ورحمة الله وبركاته

مر عام بأكمله ويزيد على بداية دخولي لعالم التدوين ...
خايفه اكمل فيه يطير ..
او اصحى تانى يوم الاقى المدونه مش موجوده ..
او الاقيها فاضيه خاااالص مافيهاش الهوا..
او الاقى اللى اخترع البلوجر شاله خالص من على وجه البسيطه ..
حتى لو كانت تدويناتي دي مالهاش اي لازمه ..
او لا تحمل اى هدف او فكر او رساله ..
لكن هيكون مؤلم جدا جدا انى اصحى تانى يوم مش الاقيها ..
بفكر بقالي كتير لو ده حصل فعلا رد فعلى هيكون ازاى ؟؟
مش عارفه بصراحه ...
لكن اللى عرفته انه مش يحفظ فكري وقلمى الا ورقتي ..
وفقط
..

اهل الوهن

سلام عليكم
بما اني موش لاقيه حاجه اكتبها
وماعنديش حاجه اقولها
قلت انزل نشيد بحبه جدا
بدل ما المدونه مهجوره كده
كلماته جميله جدا جدا
النشيد اسمه اهل الوهن
لفريق الوعد
من هنا


أهل الوهن باعوا الوطن ... نسيوا زمان السيف
أهل الوهن باعوا الوطن ... نسيوا زمان السيف
بديارنا نادوا العدا ... يا مرحبا بالضيف
يا مرحبا بالضيـــــــــف

بانابوليس وهبوا القدس ... يا ناس ما ادري كيف
أرض الوقف راح تنجرف ... حيفي عليكم حيف
حيفي عليكم حيـــــــــف

لا مؤتمر لا مؤتمر ... في القدس قد نطق الحجر
أنا لا أريد تنازلاً ... أنا لا أريد سوى عمر
يمحي زمان الزيـــــــــف

قومي تصدي يا قدس ... حنا رجالك والحرس
قومي اعتزي بدين العزة ... تبقي ويفنى أنابوليس

أهل الوفاء قالوا كفى ... ما نقبل المحتل
حنا جنود المصطفى ... ما نرتهن للذل
ما نرتهن للـــــــــذل

وتزينوا بسلاحهم ... ما أحلى عشق السلاح
وهبوا الإله أرواحهم ... ما أحلى وهب الأرواح
ما أحلى وهـــــــــب الأرواح

خاضوا الحرب ساروا الدرب ... ما فرطوا رغم الصعب
أرض الثماني وأربعين ... مع حق عودة هالشعب
والقدس فوق الكـــــــــل

غزة وضفة ولاجئين ... أرض الثماني وأربعين
هاذي ثوابت شعبي الصامد ... والموت للمستوطنين

جند العدا نصبوا المدا ... ظنونا راح ننهان
عاثوا الفساد بأرضنا ... بسلاح أمريكان
بسلاح أمريكـــــــــان

صهيوني تاريخه القتل ... ما يعرف الإحسان
تاريخه أشلاء وحيل ... اسأل بني الإنسان
اسأل بني الإنســـــــــان

لكننا رغم المحن ... قلنا له راح يدفع ثمن
والله ما لك في الوطن ... إلا رحيلك والكفن
هاذا نِدا الأوطـــــــــان

ميركافا حنا القدر... حنا عنوان النصر
نحنا العزم وانتِ الوهم ... المتبدد وإلنا الظفر

حملة ساندوا....كن ايجابي..

سلام عليكم ورحمه الله وبركاته


حملة ساندوا

من اجل الشيشان وداغستان وانغوشيا
بلاد القوقاز

من اجل تلك القضايا المنسية

رسالة موجهه للإعلاميين للإلتفات لهذا القضايا

حملة ساندوا

هدفها الان تجميع 100 ألف توقيع علي تلك الرسالة لإرسالها لوسائل الإعلام تطالبهم بمتابعة القضية

نريد ان نري يوما من الأيام علي شريط أخبار قناة الجزيرة

مقتل ثلاثة جنود روس في مواجهات مع مجاهدي الشيشان

نريد أن تتصدر من جديد أخبار القوقاز بداية النشرات الإخبارية

نريد ان تعود من جديد كعناوين رئيسية في الصحف

هدفنا

100 ألف توقيع

للتصويت المباشر

يمكنكم زيارة هذا الرابط

نريد نشره

علي الفيس بوك ...في الإيميلات...في المنتديات

http://www.petitiononline.com/K42929/petition.html

لا تبخل بصوتك

و تيقن من أن الله سيجازيك الخير الكثير علي ذلك

ساندوا على الفايس بوك



كن إيجابى

منك يا جهازي ..اتخنقت ومليت

سلام عليكم ورحمة الله

اتخنقت من الكمبيوتر فعلا

جبت اخري منه

المشكله مش فيه...

المشكله فى الفيروس اللى كل شويه يهجم عليه

ومايجينيش غير تروجان

يبوظلى الماسينجر ويطيرهولى

ومايشتغلش تانى خالص...

اعمل سكان واموت التروجان...

واقول هيشتغل...

ابدا..

طيب اعمل ريموف للماسينجر وانزله تانى

بردو ابدا ..

حالف مايشتغل..

كل فتره لازم يجيبلى العصبي

مابعرفش اقعد من غير ماسينجر يا ناس ..

مايرضاش يشتغل غير بنسخة ويندوز جديده

يووووووووووووه

هو انا كل اسوبعين تلاته هنزلي نسخه جديده ؟؟

ايه الذل ده ؟؟

بضطر فى حالات الطوارئ

ادخل من سايت خنيييييييييييييق لماسينجر الياهوو

بيخنقنى جدددددددددددددا

لكن مجبر اخاك لا بطل ....

زهقت فعلا من الجهاز العجيب ده ..!

واللى يغيظ اكتر التروجان اللى كل شويتين ينطلي عليه ..

لسه حالا اهوه عامله ريموف ومسطبه الماسينجر تانى...

وبردو بردو بردو..

ماشتغلش...

ومش هنزل نسخة ويندوز تاني..

وان شالله عنى مادخلت ماسينجر

ولا حتى شوفته...