Tuesday, May 29, 2007

الدور على مين ؟!

جلست كعادتها امام التلفاز ...وفى يدها ما يدعى بالريموت كنترول... واخذت تقلب فيه بين القنوات الفضائيه تلك...من قناة الافلام ...الى قناة المسلسلات العقيمه التى لا تثمر...الى قنوات الاغانى الهابطه ...ومنها الى قنوات البرامج التى لاتحمل اى هدف وقيمة ولا تجلب لمشاهديها سوى الصداع والعفن الفكرى واغراقهم فى سبات عميق امامها ... وكانت عندما تمر على القنوات السياسيه او قنوات الاخبار ..تقلبها فى عجاله ولا تتوقف عندها وتشاهد وتستمع الى مايحدث بالعالم العربى...فكانت تمر على مثل تلك القنوات مرور الكرام وتنتقل الى تلك القنوات الاخرى ...وبينما هى تقلب فى التلفاز حتى توقفت قليلا عند قناة الجزيره وما ان رأت مايحدث حتى قالت فى نفسها "مالى انا وما يحدث هناك فى تلك الدول"وفى تلك الاثناء سمعت صوت انفجار ودوى هائل ...ظنت فى بادئ الامر انه مجرد كابوس مزعج سبب ذهابها فى نوم عميق امام التلفازاو انها لازالت امام قناة الجزيره ....ولكنهالم تستطع تبين الامر ومعرفة مايحدث حولها ....حتى انها لم تستطع اتمام الشهاده ....!

Monday, May 21, 2007

احلق دقنك لا يفتكروك......

تكملة العنوان
ارهابى
يبقى العنوان كامل
احلق دقنك ...لايفتكروك ارهابى
كلمة ممكن نسمعها كتير فى بعض البيوت
مش عارفه بصراحه ده بينم على عدم الالتزام ولا الجهل بيه
مش هقدر افتى واقول ان اللحيه فرض او مش فرض
لكن اى شخص ملتزم بيطلقها
ده مش موضوعنا
موضوعنا علاقة اللحيه بالارهاب
ايه العلاقه بينهم ؟؟؟؟؟
مش لاقيه اى علاقة بصراحة
بس جملة بنسمعها
تلاقى اب او ام بتقول لأبنها لو كانت دقنه طويله شويه
احلق دقنك يابنى لايقبضوا عليك
احلق دقنك لايمسكوك ويفتكروك ارهابى
يابنى مش عارفه مين عمل عملية ايه كان بدقن
ودلوقتى بيقبضوا على كل اللى مربيين دقنهم
لا حول ولا قوة الابالله العلى العظيم
للدرجه دى وصلنا
فين الايمان بالله وبالقضاء والقدر؟؟
راحوا فين ؟؟ طاروا ؟؟ولا ذهبوا مع الريح؟؟
قل لن يصيبنا الا ماكتب الله لنا
لو مكتوب لك يتقبض عليك هيتقبض عليك
بدقن بقى او بنص او من غير خالص
ده قدرك .....ولا ايه ؟؟
حاجه تجيب الضغط والسكر والمراره
طيب العيب فين ؟؟
العيب فى حكومتنا اللى بتشد اى حد فى سكتها ؟؟
ده بدقن هاتوه ..ويبقى مشتبه فيه
ولا فى تفكير الشعب المصرى
ولا فى التزامه وقيمه ؟؟؟



Sunday, May 20, 2007

مدونتى

بسم الله الرحمن الرحيم
مدونتى مش هتكون عن شئ معين او خاصه بشئ واحد فقط هتكون ان شاء الله منوعه ماحددتش هكتب فيها ايه لسه بس ممكن نقول خواطر..مذكرات شعر ..قصص..مقالات متنوعه مابين سياسى وادبى واجتماعى ودينى..الخ بس اول شئ هنزله فيها هيكون اهداء لوالدى العزيز خواطر كتبتهاله هو مخصوص بعد كده ربنا ييسر واكتب حاجات تانيه
اهلا بكم فى مدونتى